പയ്യന്നൂരിലെ സിയാൽ സൗരോർജ പ്ലാന്റ് ഉദ്ഘാടനം ഇന്ന്

നെടുമ്പാശേരി: കൊച്ചി വിമാനത്താവള കമ്പനി (സിയാൽ) പയ്യന്നൂരിലെ ഏറ്റുകുടുക്കയിൽ സ്ഥാപിച്ച സൗരോർജ്ജ പദ്ധതി ഇന്ന് രാവിലെ 11ന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. 12 മെഗാവാട്ടാണ് സ്ഥാപിതശേഷി.

ഏറ്റുകുടുക്ക കിണർമുക്കിൽ നടക്കുന്ന ചടങ്ങിൽ മന്ത്രി കെ കൃഷ്ണൻകുട്ടി അദ്ധ്യക്ഷനാകും. മന്ത്രിമാരായ പി.രാജീവ്, കെ.രാജൻ, എം.വി.ഗോവിന്ദൻ, രാജ്‌മോഹൻ ഉണ്ണിത്താൻ എം.പി., ടി.എ.മധുസൂദനൻ എം.എൽ.എ., സിയാൽ മാനേജിംഗ് ഡയറക്ടർ എസ്.സുഹാസ് തുടങ്ങിയവർ സംസാരിക്കും.