ന്യൂഡൽഹി: ഇന്ത്യയുടെ വളർച്ചാ പ്രതീക്ഷ വീണ്ടും കുറച്ച് ഐ.എം.എഫ്. 2022 സാമ്പത്തിക വർഷത്തിൽ 9 ശതമാനം നിരക്കിലായിരിക്കും ഇന്ത്യൻ സമ്പദ്വ്യവസ്ഥ വളരുകയെന്നാണ് ഐ.എം.എഫിന്റെ പ്രവചനം. നേരത്തെ 9.5 ശതമാനം നിരക്കിൽ സമ്പദ്വ്യവസ്ഥ വളരുമെന്നായിരുന്നു ഏജൻസി വ്യക്തമാക്കിയിരുന്നത്. അതേസമയം, 8.2ശതമാനം വളർച്ചയാണ് 2023 സാമ്പത്തികവർഷത്തിൽ ഐ.എം.എഫ് പ്രവചിച്ചിരിക്കുന്നത്. ജനുവരിയിലെ വളർച്ചാ പ്രതീക്ഷകളുമായി താരതമ്യപ്പെടുത്തുമ്പോൾ, വളർന്നുവരുന്ന സമ്പദ്വ്യവസ്ഥകളെക്കുറിച്ചുള്ള ഐ.എം.എഫിന്റെ പ്രവചനങ്ങളിൽ ഏറ്റവും കുത്തനെയുള്ള കുറവാണിത്. ഉയർന്ന ചരക്കുവില സ്വകാര്യ ഉപഭോഗത്തെയും നിക്ഷേപത്തെയും ബാധിക്കുമെന്നും ഐ.എം.എഫ് റിപ്പോർട്ടിൽ പറയുന്നു.
അതേസമയം, 2022 സാമ്പത്തികവർഷത്തിലെ ആഗോള വളർച്ചാ പ്രതീക്ഷ നേരത്തെ പ്രവചിച്ചിരുന്ന 4.4 ശതമാനത്തിൽനിന്ന് 3.6 ശതമാനമാക്കിയും വെട്ടിക്കുറച്ചിട്ടുണ്ട്. ചരക്കുവിലയിലെ ചാഞ്ചാട്ടം, വിതരണശൃഖലയിലെ തടസം, റഷ്യ-യുക്രെയിൻ സംഘർഷം തുടങ്ങിയവ ആഗോള സാമ്പത്തിക വളർച്ചാ സാദ്ധ്യതകളെ ഗണ്യമായി കുറച്ചിട്ടുണ്ടെന്നും ഐ.എം.എഫ് ചൂണ്ടിക്കാണിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |