ബെയറിംഗുകളും മാറ്റി സ്ഥാപിച്ചു

ചാലക്കുടി: ദേശീയപാതയിലെ ചാലക്കുടി പുഴം പാലത്തിന്റെ തകരാറിലായ ബെയറിംഗുകൾ മാറ്റി സ്ഥാപിക്കുന്ന പ്രവർത്തനം പൂർത്തിയായി. ഏതാനും എക്‌സ്പാൻഡ് ജോയിന്റുകൾ ഘടിപ്പിക്കുന്ന ജോലികൾക്കൂടി തീർത്ത്്് അഞ്ച് ദിവസത്തിനകം പാലം ഗതാഗതത്തിന് തുറന്നുകൊടുക്കും. ഏഴാമത്തെ സ്ലാബിനടിയിലെ ആറെണ്ണം കൂടി മാറ്റി സ്ഥാപിച്ചതോടെ ആകെ 42 ബെയറിംഗുകളും മാറ്റി. അർദ്ധ വാർഷിക പരിശോധനയിലാണ് ആറര പതിറ്റാണ്ട് പഴക്കമുള്ള പഴയ പുഴം പാലത്തിന്റെ ബെയറിംഗുകൾക്ക് തകരാറുണ്ടെന്ന് കണ്ടെത്തിയത്. തിങ്കളാഴ്ച മുതൽ പടിഞ്ഞാറ് ഭാഗത്തുകൂടി ഒറ്റവരി ഗതാഗതം അനുവദിക്കും. ജി.ഐ.പി.എൽ കമ്പനിയാണ് ജോലി കരാറെടുത്തത്.