ന്യൂഡൽഹി: പവന് ഖേരയ്ക്ക് ഇടക്കാല ജാമ്യം അനുവദിച്ച് സുപ്രീം കോടതി. ഹര്ജി വീണ്ടും പരിഗണിക്കുന്നതുവരെ പവന് ഖേരയ്ക്ക് ഇടക്കാല ജാമ്യം അനുവദിച്ചതായി കോടതി വ്യക്തമാക്കി. പവൻ ഖേരയെ അറസ്റ്റ് ചെയ്ത നടപടിക്കെതിരായ ഹർജി ഇന്ന് അടിയന്തരമായി പരിഗണിച്ചുകൊണ്ടാണ് കോടതിയുടെ ഉത്തരവ്.
കോണ്ഗ്രസ് നേതാവ് പവന് ഖേരയെ അറസ്റ്റ് ചെയ്ത നടപടിക്കെതിരെ ഇന്ന് ഉച്ചയോടെയാണ് കോണ്ഗ്രസ് സുപ്രീംകോടതിയെ സമീപിച്ചത്. മുതിര്ന്ന അഭിഭാഷകനും രാജ്യസഭാംഗവുമായ അഭിഷേക് മനു സിംഗ്വിയാണ് സുപ്രീംകോടതിയില് ഹാജരായത്. ചീഫ് ജസ്റ്റിസ് അദ്ധ്യക്ഷനായ മൂന്നംഗ ബെഞ്ചാണ് വാദംകേട്ടത്. പവന് ഖേരയുടെ പരാമര്ശം ഒരു നാക്കുപിഴയായിരുന്നെന്നും ഒഴിവാക്കേണ്ടതായിരുന്നെന്നും അഭിഷേക് മനു സിംഗ്വി കോടതിയില് പറഞ്ഞു. ഈ വീഴ്ചയ്ക്ക് പവന് ഖേര ക്ഷമാപണം നടത്തിയിരുന്നതായും അദ്ദേഹം ചൂണ്ടിക്കാട്ടി.
കോണ്ഗ്രസ് പ്ലീനറി സമ്മേളനത്തില് പങ്കെടുക്കാന് പോകുന്നതിനായി ഡല്ഹി വിമാനത്താവളത്തിലെത്തിയ പവന് ഖേരയെ വിമാനത്തില് നിന്ന് ഇറക്കിവിട്ടതിന് പിന്നാലെയാണ് പൊലീസ് അറസ്റ്റ് ചെയ്തത്. പ്രധാനമന്ത്രി നരേന്ദ്രമോദിക്കെതിരായ പരാമര്ശങ്ങളുമായി ബന്ധപ്പെട്ട് ആസാമില് പൊലീസ് രജിസ്റ്റര് ചെയ്ത കേസിലായിരുന്നു നടപടി.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |