കൊച്ചി: ടെലിവിഷൻഗൃഹോപകരണ നിർമാതാക്കളായ ടി.സി.എല്ലിന്റെ ബ്രാൻഡ് അംബാസഡറായി ഇന്ത്യൻ ക്രിക്കറ്റ് ടീം ക്യാപ്ടൻ രോഹിത് ശർമ ചുമതലയേറ്റു. രോഹിതിന്റെ സാന്നിദ്ധ്യം ടി.സി.എല്ലിന്റെ വിശ്വാസ്യതയും മൂല്യവും ഉയർത്തുമെന്നാണ് പ്രതീക്ഷയെന്നും ക്യാപ്ടന്റെ ഇച്ഛാശക്തിയും സ്ഥിരോത്സാഹവും ടി.സി.എല്ലിന്റെ കഠിനാദ്ധ്വാനം പോലെയാണെന്ന് കരുതുന്നുവെന്നും കമ്പനി അധികൃതർ പറഞ്ഞു.
വലിയ സ്ക്രീനിൽ കാണുകയും അനുഭവിക്കുകയും ചെയ്യുക എന്ന സൗകര്യമാണ് ടി.സി.എൽ ടെലിവിഷൻ രാജ്യത്ത് സാദ്ധ്യമാക്കിയത്. രാജ്യത്തിന്റെ ഹിറ്റ്മാനെ ബ്രാൻഡ് അംബാസഡറായി ലഭിച്ചതിൽ സന്തോഷമുണ്ടെന്ന് ടി.സി.എൽ ഇന്ത്യ ജനറൽ മാനേജർ ഫിലിപ്പ് സിയ പറഞ്ഞു. നൂതന സാങ്കേതിക മികവുകൾ ജനങ്ങളിലെത്തിക്കുന്നതിൽ ടി.സി.എല്ലിന്റെ ശ്രമം പ്രശംസനീയമാണെന്ന് രോഹിത് ശർമ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |