കൊച്ചി: ഓരോ പത്തു വർഷത്തിലും നിലവിലുള്ള തൊഴിലുകളിൽ 25 ശതമാനം അപ്രത്യക്ഷമാകുകയോ പുനഃക്രമീകരിക്കപ്പെടുകയോ ചെയ്യുമെന്ന് ഫിലിപ്സ് ലൈറ്റിംഗ് കമ്പനി ചീഫ് ഡിജിറ്റൽ ആൻഡ് ഇൻഫർമേഷൻ ഓഫീസർ ഡോ. ടോണി തോമസ് അഭിപ്രായപ്പെട്ടു.
മുത്തൂറ്റ് ഇൻസ്റ്റിറ്റൂട്ട് ഒഫ് ടെക്നോളജി ആൻഡ് സയൻസിലെ 2024 ബി.ടെക്, എംടെക്, എം.സി.എ വിദ്യാർത്ഥികളുടെ ബിരുദദാന ചടങ്ങിൽ സംസാരിക്കുകയായിരുന്നു അദ്ദേഹം. പുതിയ സാങ്കേതിക മേഖലകളിലും തൊഴിൽ പ്രൊഫയിലുകളിലും ജോലിക്ക് പ്രാപ്തരാകുവാൻ വിദ്യാർഥികൾക്ക് പരിജ്ഞാനം വേണമെന്നും അദ്ദേഹം കൂട്ടിച്ചേർത്തു.
മുത്തൂറ്റ് ഗ്രൂപ്പ് മാനേജിംഗ് ഡയറക്ടർ ജോർജ് അലക്സാണ്ടർ മുത്തൂറ്റ് അധ്യക്ഷത വഹിച്ചു. ചടങ്ങിൽ ഉന്നത വിജയം കൈവരിച്ച വിദ്യാർത്ഥികൾക്ക് മുത്തൂറ്റ് ഗ്രൂപ്പിന്റെ ക്യാഷ് അവാർഡുകളും വിതരണം ചെയ്തു. പ്രിൻസിപ്പൽ ഡോ. നീലകണ്ഠൻ പി.സി., വൈസ് പ്രിൻസിപ്പൽ ഡോ. ചിക്കു എബ്രഹാം, ഡീൻ ഒഫ് അക്കാഡമിക്സ് ഡോ. ഷാജിമോൻ കെ. ജോൺ തുടങ്ങിയവർ സന്നിഹിതരായിരുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |