കൊച്ചി: സെന്റ് തോമസ് ദിനമായ ജൂലായ് മൂന്നിന് നിശ്ചയിച്ച സർവകലാശാലകളുടെ മറ്റും പരീക്ഷകൾ മാറ്റിവയ്ക്കണമെന്ന് സിറോ മലബാർ യൂത്ത് മൂവ്‌മെന്റ് ആവശ്യപ്പെട്ടു. സഭകൾ അവധി നൽകിയ ദിവസം അഫിലിയേറ്റഡ് കോളേജുകളിൽ റെഗുലർ, സപ്ലിമെന്ററി പരീക്ഷകൾ നടത്തുന്നതിൽ യോഗം പ്രതിഷേധിച്ചു. ആചാരങ്ങൾക്ക് വില നൽകാത്തത് ജനാധിപത്യ രാജ്യത്തിന് ചേർന്നതല്ല. ഇതിനെതിരെ പ്രതിഷേധം സംഘടിപ്പിക്കും. ഇത്തരം സംസ്ഥാന പ്രസിഡന്റ് അലക്‌സ് തോമസ് പുളിമൂട്ടിൽ, ഫാ.ജേക്കബ് ചക്കാത്തറ, ഗ്ലോബൽ പ്രസിഡന്റ് അഡ്വ. സാം സണ്ണി, ജനറൽ സെക്രട്ടറി അഖിൽ ചാലിൽ, വൈസ് പ്രസിഡന്റ് അഡ്വ. പ്രതീക്ഷ രാജ് തുടങ്ങിയവർ സംസാരിച്ചു.