സംസ്ഥാന യൂത്ത് ബാസ്കറ്റ് ബാളിന് തുടക്കം

മൂവാറ്റുപുഴ:∙ കേരള ബാസ്കറ്റ്ബാൾ അസോസിയേഷൻ്റെ ആഭിമുഖ്യത്തിൽ ഇടുക്കി ജില്ലാ ബാസ്കറ്റ്ബാൾ അസോസിയേഷൻ സoഘടിപ്പിക്കുന്ന 40-ാമത് കേരള സംസ്ഥാന യൂത്ത് ബാസ്കറ്റ്ബാൾ ചാമ്പ്യൻഷിപ്പിന് വാഴക്കുളം കാർമൽ സി.എം.ഐ പബ്ലിക് സ്കൂളിൽ വർണാഭമായ തുടക്കം.
ആൺകുട്ടികളിലും പെൺകുട്ടികളിലുമായി ആകെ 24 ടീമുകൾ ലീഗ് കം നോക്കൗട്ട് അടിസ്ഥാനത്തിൽ കളിക്കുന്ന ചാമ്പ്യൻഷിപ്പിൽ പങ്കെടുക്കുന്നുണ്ട്. ചാമ്പ്യൻഷിപ്പിന്റെ ഉദ്ഘാടനം എറണാകുളം ജില്ലാ കളക്ടർ എൻ.എസ്. കെ ഉമേഷ് നിർവഹിച്ചു.

ഉദ്ഘാടന ദിനത്തിൽ പെൺകുട്ടികളിലെളുടെ വിഭാഗത്തിൽ നിലവിലെ ചാമ്പ്യന്മാരായ കോഴിക്കോട് എറണാകുളത്തിനെതിരെ 51 -18ന് മികച്ച വിജയത്തോടെ തുടങ്ങി. ആലപ്പുഴ കോട്ടയത്തെ 50-46ന് മറികടന്നപ്പോൾ, തൃശൂർ കൊല്ലത്തെ 72-58നും പാലക്കാട് 25-5് പത്തനംതിട്ടയേയും തോൽപ്പിച്ചു. ആൺകുട്ടികളിൽ പത്തനംതിട്ട പാലക്കാടിനെയും (49-39) തൃശൂർ കൊല്ലത്തെയും (63-20) തോൽപ്പിച്ചു.