യാത്രക്കാർ ശ്രദ്ധിക്കുക; സംസ്ഥാനത്ത് ട്രെയിൻ ഗതാഗതം വൈകുന്നു, ഈ രണ്ട് ട്രെയിനുകൾ റദ്ദാക്കി

കൊച്ചി: ആലുവ പാലത്തിൽ അറ്റകുറ്റപണി നടക്കുന്നതിനാൽ ട്രെയിൻ ഗതാഗത്തിന് നിയന്ത്രണം. രണ്ട് ട്രെയിനുകൾ റദ്ദാക്കി. വന്ദേഭാരത് ഉൾപ്പെടെയുള്ള ട്രെയിനുകൾ വൈകിയാണ് ഓടുന്നത്. പാലക്കാട് ജംഗ്ഷൻ എറണാകുളം സൗത്ത് മെമു (66609), എറണാകുളം സൗത്ത് - പാലക്കാട് ജംഗ്ഷൻ മെമു (66610) എന്നീ രണ്ട് ട്രെയിനുകളാണ് റദ്ദാക്കിയിരിക്കുന്നത്. ഗോരഖ്പൂർ തിരുനവന്തപുരം സെൻട്രൽ രപ്തിസാഗർ എക്സ്പ്രസ് (12511) ഒരു മണിക്കൂർ 20 മിനിട്ടുകൾ വൈകി പുറപ്പെടുമെന്നാണ് റെയിൽവേയുടെ അറിയിപ്പ്.

കണ്ണൂർ -ആലപ്പുഴ എക്സിക്യൂട്ടീവ് (16308) ഒരു മണിക്കൂർ 15 മിനിട്ടുകൾ പിടിച്ചിടുമെന്നാണ് റെയിൽവേ അറിയിച്ചിരിക്കുന്നത്. മംഗളൂരു സെൻട്രൽ- തിരുവനന്തപുരം സെൻട്രൽ വന്ദേഭാരത് എക്സ്പ്രസ് (20631) 25 മിനിട്ട് വൈകും. തിരുവനന്തപുരം സെൻട്രലിൽ നിന്നും 4.05ന് പുറപ്പെടേണ്ട തിരുവനന്തപുരം മംഗളൂരു വന്ദേഭാരത് എക്സ്പ്രസ് (20632) പത്ത് മിനിട്ട് വൈകിയായിരിക്കും പുറപ്പെടുന്നതെന്ന് അറിയിച്ചിട്ടുണ്ട്. സെക്കന്തരാബാദ്- തിരുവനന്തപുരം സെൻട്രൽ ശബരി എക്സ്പ്രസ് (17230) 30 മിനിട്ട് വൈകും. ജാംനഗർ -തിരുനെൽവേലി എക്സ്പ്രസ് (19578) പത്ത് മിനിട്ട് വൈകും.

ആകെ എട്ട് ട്രെയിനുകളാണ് വൈകി ഓടുന്നത്. യാത്രക്കാർ റെയിൽ വൺ ആപ്പ് നോക്കി സമയം പരിശോധിച്ചതിനു ശേഷം മാത്രം യാത്രകൾക്കുള്ള ക്രമീകരണങ്ങൾ നടത്തണമെന്ന് റെയിൽവേ അധികൃത‌ർ അറിയിച്ചു.