SignIn
Kerala Kaumudi Online
Monday, 10 August 2020 11.45 AM IST

ജീവ വായു തേടി ട്രാൻസ്പോ‌ർട്ട് മേഖല

bus

തിരുവനന്തപുരം: ലോക്ക്ഡൗണിന് ശേഷം പൊതുഗതാഗതം പുനരാരംഭിക്കും മുമ്പ് കെ.എസ്.ആർ.ടി.സിയുടെയും സ്വകാര്യബസുകളുടെയും നിലനിൽപ്പിന് സർക്കാർ ഉത്തേജക പാക്കേജുകൾ പ്രഖ്യാപിക്കണമെന്ന ആവശ്യം ശക്തം.

ഡീസൽ സബ്സിഡിക്കൊപ്പം​, ജീവനക്കാരുടെ ശമ്പളവും സർക്കാർ നൽകണമെന്നാവശ്യപ്പെട്ട് കെ.എസ്.ആർ.ടി.സി നേരത്തേ ഗതാഗത വകുപ്പിന് കത്ത് നൽകിയിരുന്നു. ഡീസൽ വില കുറച്ചു നൽകുകയും, നികുതികളിൽ ഇളവുകൾ വരുത്തുകയും വേണമെന്നാവശ്യപ്പെട്ട് സ്വകാര്യബസ് ഉടമകളുടെ സംഘടനകളും സർക്കാരിനെ സമീപിച്ചിട്ടുണ്ട്.

അതേ സമയം,കേന്ദ്ര ഉപരിതല ഗതാഗത വകുപ്പിന്റെ പാക്കേ‌ജിൽ നിന്ന് സംസ്ഥാനത്തിനുള്ള വിഹിതം അറി‌ഞ്ഞിട്ടാവാം ഇവിടത്ത കാര്യങ്ങൾ തീരുമാനിക്കുകയെന്ന നിലപാടിലാണ് സംസ്ഥാന ഗതാഗത വകുപ്പ്. നഗര ഗതാഗതത്തിന് ബസുകൾ വാങ്ങുന്നതുൾപ്പെടെ ആയിരം കോടിയാണ് കേരളം ആവശ്യപ്പെട്ടിരിക്കുന്നത്. സംസ്ഥാനത്തെ ട്രാൻസ്പോർട്ട് സർവീസിൽ 70 ശതമാനവും സ്വകാര്യ ബസുകളായതിനാൽ കേന്ദ്ര സഹായം കുറഞ്ഞേക്കും. സ്വകാര്യ മേഖലയ്ക്കും പ്രയോജനകരമായ രീതിയിൽ കേന്ദ്രസഹായം ചോദിക്കാനാവില്ലന്ന നിലപാടിലാണ് ഗതാഗത വകപ്പ്.

സർക്കാർ പൂർണമായും തഴയുന്ന പക്ഷം, ലോക്ക് ഡൗൺ കഴിഞ്ഞാലും ബസ് സർവീസ് നടത്തേണ്ടന്ന നിലപാടിലാണ് സ്വകാര്യ ബസുടമകൾ. ഒരു വർഷത്തേക്ക് സ‌ർവീസ് നിറുത്തിവയ്ക്കുകയാണെന്ന് കാണിച്ച് 12,​683 ബസുകളുടെ ഉടമകൾ ജി.ഫാം മോട്ടോർ വാഹന വകുപ്പിന് നൽകിക്കഴിഞ്ഞു. ഇനി ആയിരത്തോളം സ്വകാര്യബസുകളാണ് ശേഷിക്കുന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: TRANSPORTATION
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.