SignIn
Kerala Kaumudi Online
Monday, 02 August 2021 8.07 AM IST

ശിവഗിരി ടൂറിസം സർക്യൂട്ട് പദ്ധതി റദ്ദാക്കിയത് സങ്കുചിത രാഷ്ട്രീയം: മുല്ലപ്പള്ളി

mullappally-ramachandran

തിരുവനന്തപുരം: ശിവഗിരി ടൂറിസം സർക്യൂട്ട് പദ്ധതി റദ്ദാക്കിയതിന് പിന്നിൽ കേന്ദ്ര, സംസ്ഥാന സർക്കാരുകളുടെ സങ്കുചിത രാഷ്ട്രീയ നിലപാടെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രൻ പ്രസ്താവിച്ചു.

കേന്ദ്രത്തിന്റെ സ്വദേശി ദർശൻ പദ്ധതിയിലുൾപ്പെടുത്തി 2019ൽ പ്രഖ്യാപിച്ച 69.47 കോടിയുടെ പദ്ധതിയാണ് മുന്നറിയിപ്പില്ലാതെ ഒന്നര വർഷം പിന്നിടുമ്പോൾ റദ്ദാക്കിയത്. ലോക്‌സഭാ തിരഞ്ഞെടുപ്പിൽ കാര്യമായ നേട്ടം ലഭിക്കാത്തതിന്റെ പക വീട്ടലാണ് കേന്ദ്രം നടത്തിയിരിക്കുന്നത്. കേരളീയ സമൂഹത്തിന്റെ ശക്തമായ പ്രതിഷേധം കേന്ദ്രസർക്കാരിനെ അറിയിക്കുന്നതിൽ പിണറായി സർക്കാർ ദയനീയമായി പരാജയപ്പെട്ടു. നാവോത്ഥാന നായകനായ ശ്രീനാരായണ ഗുരുദേവന്റെ ദർശനങ്ങളുടെയും ശ്രീനാരായണീയ ആശയങ്ങളുടെയും കേന്ദ്രമാണ് ശിവഗിരി. ശിവിഗരിയെ വോട്ട് ബാങ്ക് രാഷ്ട്രീയത്തിന്റെ ലക്ഷ്യസ്ഥാനമായി കാണുന്ന ബി.ജെ.പി, സി.പി.എം നിലപാട് ഇതിനകം കേരളീയ പൊതുസമൂഹം തിരിച്ചറിഞ്ഞിട്ടുണ്ട്. പദ്ധതി റദ്ദാക്കിയ നിലപാട് കേന്ദ്രം പുന:പരിശോധിക്കണമെന്നും ഇല്ലെങ്കിൽ സംസ്ഥാനസർക്കാർ ഏറ്റെടുത്ത് നടപ്പാക്കണമെന്നും മുല്ലപ്പള്ളി ആവശ്യപ്പെട്ടു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: MULLAPPALLY
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.