SignIn
Kerala Kaumudi Online
Sunday, 28 February 2021 12.53 AM IST

അച്ഛനെയും മകനെയും കൊല്ലാൻ ശ്രമിച്ച കേസിലെ പ്രതി അറസ്റ്റിൽ

jayan

കല്ലമ്പലം: പട്ടികജാതി വിഭാഗക്കാരായ അച്ഛനെയും മകനെയും കൊലപ്പെടുത്താൻ ശ്രമിച്ച കേസിലെ പ്രതി അറസ്റ്റിൽ. വടശ്ശേരിക്കോണം എസ്.എൻ പുരം കോട്ടുതല വീട്ടിൽ ജയൻ (56) ആണ് അറസ്റ്റിലായത്. ജനവാസമേഖലയിൽ അനധികൃതമായി തുടങ്ങിയ കോഴി ഫാമിനെതിരെ ആക്രമണത്തിനിരയായ അരവിന്ദനും മകനും ആർ.ടി.ഒയ്ക്ക് പരാതി നൽകുകയും തുടർന്ന് ഫാം പൂട്ടുകയും ചെയ്തിരുന്നു. ഇതിൽ പ്രകോപിതനായ പ്രതി അരവിന്ദന്റെ വീട്ടിലേക്കുള്ള വഴി അടയ്ക്കുകയും അത് ചോദിക്കാൻ ചെന്ന ഇവരെ ജാതിപ്പേര് വിളിച്ച് അധിക്ഷേപിക്കുകയും മൺവെട്ടി കൊണ്ട് തലയിൽ വെട്ടി കൊലപ്പെടുത്താൻ ശ്രമിക്കുകയുമായിരുന്നുവെന്ന് കല്ലമ്പലം പൊലീസ് പറഞ്ഞു. ആറ്റിങ്ങൽ ഡിവൈ.എസ്.പി എസ്.വൈ സുരേഷിന്റെ നേതൃത്വത്തിൽ കല്ലമ്പലം പൊലീസ് ഇൻസ്പെക്ടർ ഫറോസ്.ഐ, സബ് ഇൻസ്പെക്ടർമാരായ ഗംഗാപ്രസാദ്, അനിൽ ആർ.എസ്, ജയൻ, എസ്.സി.പി.ഒ അനിൽ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ്‌ ചെയ്തു. കൂട്ടുപ്രതിക്കായുള്ള അന്വേഷണം ഊർജിതപ്പെടുത്തിയതായി പൊലീസ് അറിയിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.