SignIn
Kerala Kaumudi Online
Saturday, 24 October 2020 11.49 PM IST

'വീഴ്ചയുടെ വിലയാണ് ഇപ്പോൾ നൽകുന്നത്'; കേരളത്തിൽ രോഗ പ്രതിരോധത്തിൽ വീഴ്ചയുണ്ടായതായി കേന്ദ്ര ആരോഗ്യമന്ത്രി

harshavardhan

ന്യൂഡൽഹി: കൊവിഡ് പ്രതിരോധത്തിൽ കേരളത്തിന് വീഴ്ച പറ്റിയെന്ന് കേന്ദ്ര ആരോഗ്യമന്ത്രി ഡോ. ഹർഷവർദ്ധൻ. വീഴ്ചയുടെ വിലയാണ് ഇപ്പോൾ നൽകുന്നതെന്ന് അദ്ദേഹം വിമർശിച്ചു.‘സൺഡേ സംവാദ്’ എന്ന പേരിൽ മന്ത്രി നടത്തുന്ന പരിപാടിയുടെ പ്രമോയിലാണ് വിമർശനം ഉന്നയിച്ചത്.

ആദ്യഘട്ടത്തിൽ കേരളത്തിൽ രോഗ നിയന്ത്രണം സാദ്ധ്യമായിരുന്നുവെന്നും,എന്നാൽ പിന്നീട് കാണിച്ച അലംഭാവത്തിന്റെ ഫലമാണ് ഇപ്പോൾ സംസ്ഥാനം അനുഭവിക്കുന്നതെന്നും മന്ത്രി പറഞ്ഞു. വൈറസിനെ പ്രതിരോധിക്കുന്നതിൽ കേരളം എങ്ങനെയാണ് മികച്ചതിൽനിന്ന് ഏറ്റവും മോശത്തിലേക്ക് എത്തിയതെന്ന് ഇന്ന് ഉച്ചയ്ക്ക് ഒരു മണിക്ക് വിഡിയോയിൽ വിശദീകരിക്കുമെന്നും അദ്ദേഹം വ്യക്തമാക്കി.

ഇന്ത്യയിൽ നിയന്ത്രണമില്ലാതെ നടക്കുന്ന ഉത്സവങ്ങളും മറ്റ് ആഘോഷങ്ങളും കൊവിഡ് വ്യാപനം വർദ്ധിക്കാൻ കാരണമായെന്ന് ഹർഷവർദ്ധൻ നേരത്തെ പറഞ്ഞിരുന്നു. വിശ്വാസം തെളിയിക്കാന്‍ വന്‍തോതില്‍ ആളുകള്‍ കൂട്ടംചേര്‍ന്നും ആഡംബരമായും ഉത്സവങ്ങള്‍ ആഘോഷിക്കണമെന്ന് ഒരു ദൈവവും മതവും ആവശ്യപ്പെടുന്നില്ലെന്നും മന്ത്രി വ്യക്തമാക്കിയിരുന്നു. കേരളത്തിൽ ഓണാഘോഷത്തിന് ശേഷം കൊവിഡ് വ്യാപനം വർദ്ധിച്ചുവെന്ന പഠന റിപ്പോർട്ട് അടക്കം ചൂണ്ടിക്കാട്ടിയായിരുന്നു മന്ത്രിയുടെ വാക്കുകൾ.

'കൊവി‍ഡ് കാലത്തെ ഉത്സവ ആഘോഷങ്ങൾ സംബന്ധിച്ച് മാര്‍ഗനിര്‍ദേശങ്ങള്‍ പുറപ്പെടുവിച്ചിട്ടും അവ പാലിക്കുന്നതില്‍ വീഴ്ച സംഭവിക്കുകയാണ്. ഇത് കൊവിഡ് കേസുകൾ കൂടാൻ കാരണമാകുന്നുവെന്നായിരുന്നു അദ്ദേഹം പറഞ്ഞത്. കേരളത്തില്‍ ഓഗസ്റ്റ്, സെപ്തംബര്‍ മാസങ്ങൾക്കിടയിൽ നടന്ന ഓണാഘോഷമാണ് വലിയ കൊവിഡ് വ്യാപനത്തിന് ഇടയാക്കിയതെന്നും വിമർശനം ഉണ്ടായിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: COVID 19, KERALA, HARSHA VARDHAN, CM, KK SHYLAJA
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.