SignIn
Kerala Kaumudi Online
Wednesday, 21 August 2019 2.55 AM IST

പണിമുടക്കിന് ട്രെയിൻ തടഞ്ഞ സി.പി.എം നേതാക്കൾക്ക് മുട്ടൻ പണി: ലക്ഷങ്ങൾ നഷ്‌ടപരിഹാരം, ഒപ്പം ജയിൽവാസവും

train-759

തിരുവനന്തപുരം: പ്രതിപക്ഷ കക്ഷികളുടെ 48 മണിക്കൂർ ദേശീയ പണിമുടക്കിൽ സംസ്ഥാനത്ത് ട്രെയിൻ തടഞ്ഞ സി.പി.എം, സി.ഐ.ടി.യു നേതാക്കൾക്കെതിരെ റെയിൽവേയുടെ നിയമ നടപടികൾ അന്തിമഘട്ടത്തിലേക്ക്. ട്രെയിൻ തടഞ്ഞവർക്കെതിരെ ശക്തമായ നടപടികളുമായി മുന്നോട്ടുപോകാനാണ് ഡിവിഷണൽ റെയിൽവെ അധികൃതരുടെ തീരുമാനം. ട്രെയിൻ ഉപരോധം മൂലം റെയിൽവേയ്ക്കുണ്ടായ സാമ്പത്തികനഷ്ടം ഈടാക്കാൻ സിവിൽ കേസിനും നടപടി തുടങ്ങി.

പണിമുടക്കു നടന്ന ജനുവരി 8,9 തീയതികളിൽ സംസ്ഥാനത്ത് പലേടത്തും ട്രെയിനുകൾ തടഞ്ഞിരുന്നു. തിരുവനന്തപുരത്ത് സി.പി.എം ജില്ലാ സെക്രട്ടറി ആനാവൂർ നാഗപ്പനും സി.ഐ.ടി.യു സംസ്ഥാന സെക്രട്ടറി വി.ശിവൻകുട്ടിയുമാണ് ട്രെയിൻ തടയലിന് നേൃതൃത്വം നൽകിയത്. അന്ന് റെയിൽവേ സംരക്ഷണ സേന പകർത്തിയ ചിത്രങ്ങൾ തെളിവാക്കി, കോടതിയിൽ കുറ്റപത്രം സമർപ്പിക്കും. മൂന്നൂറോളം പേർക്കെതിരെ 29 കേസുകളാണ് തിരുവനന്തപുരം ഡിവിഷനിൽ മാത്രം രജിസ്റ്റർ ചെയ്തിരിക്കുന്നത്.

ഉപരോധത്തെ തുടർന്ന് സംസ്ഥാനത്ത് പല ട്രെയിനുകളും റദ്ദാക്കുകയും വേണാട് എക്സ്‌പ്രസ് ഉൾപ്പെടെയുള്ള ട്രെയിനുകൾ പാതിവഴിയിൽ റദ്ദാക്കുകയും ചെയ്തിരുന്നു. റിസർവേഷൻ യാത്രക്കാർ ടിക്കറ്റ് റദ്ദാക്കിയതു മൂലം പണം മടക്കി നൽകേണ്ടി വന്നു. ലക്ഷങ്ങളുടെ വരുമാന നഷ്ടമാണ് ഓരോ സ്റ്റേഷനിലും ഉണ്ടായത്. റെയിൽവേ നിയമപ്രകാരമുള്ള കേസിന് പുറമേയാണ് നഷ്ടപരിഹാരത്തിനായുള്ള സിവിൽ കേസും ആലോചിക്കുന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NATIONAL STRIKE, GENERAL STRIKE, INDIAN RAILWAYS
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.