റിപ്പബ്ലിക് ദിനാഘോഷത്തിൽ കേരളം, തലസ്ഥാനത്ത് ഗവർണർ ദേശീയ പതാക ഉയർത്തി

തിരുവനന്തപുരം: സംസ്ഥാനത്ത് റിപ്പബ്ലിക് ദിനാഘോഷം ആരംഭിച്ചു. തലസ്ഥാനത്ത് ഗവർണർ ആരിഫ് മുഹമ്മദ് ഖാൻ ദേശീയ പതാക ഉയർത്തി. മുഖ്യമന്ത്രി പിണറായി വിജയൻ കുടുംബത്തോടൊപ്പമാണ് ചടങ്ങിനെത്തിയത്. കൊവിഡ് മാനദണ്ഡങ്ങൾ പാലിച്ചുകൊണ്ടാണ് ചടങ്ങുകൾ .നൂറ് പേർക്ക് മാത്രമായിരുന്നു പ്രവേശനം.

കൃത്യം ഒൻപത് മണിക്ക് തന്നെ ഗവർണർ ദേശീയ പതാക ഉയർത്തി.കൊവിഡിനെതിരായ പോരാട്ടത്തിൽ രാജ്യം വിജയത്തിലേക്ക് എത്തിയിരിക്കുന്നുവെന്ന് അദ്ദേഹം പറഞ്ഞു. സംസ്ഥാന സർക്കാരിനെയും ഗവർണർ പ്രശംസിച്ചു. കൊവിഡ് കാലത്തെ ഓൺലൈൻ ക്ലാസ് രാജ്യത്തിന് തന്നെ മാതൃകയാണെന്ന് ആരിഫ് മുഹമ്മദ് ഖാൻ പറഞ്ഞു.

സെൻട്രൽ സ്റ്റേഡിയത്തിൽ നടന്ന പരേഡിന് നാല് സോണുകളായി തിരിച്ചായിരുന്നു സുരക്ഷയൊരുക്കിയത്. ഓരോ സോണിന്റെയും മേൽനോട്ടച്ചുമതല അസി.കമ്മിഷണർമാർക്കായിരുന്നു. നഗരത്തിലെ പ്രധാന സ്ഥലങ്ങൾ കേന്ദ്രീകരിച്ച് ഏഴ് സ്‌പെഷ്യൽ സ്‌ട്രൈക്കിംഗ് ഫോഴ്സുകളും ഏർപ്പെടുത്തിയിട്ടുണ്ട്.