SignIn
Kerala Kaumudi Online
Friday, 07 May 2021 7.43 PM IST

12 മീറ്റർ നീളം, 2000 കിലോ ഭാരം: കടലിൽ നിന്നും ഭീകരൻ കോവളത്തെത്തി, അടുത്തെത്തിയവർക്ക് കിട്ടിയത് വാലുകൊണ്ടുള്ള നല്ല പൂശും

shark

കോവളം: വലയിൽപ്പെട്ട് കോവളത്ത് കരയിലെത്തിയ കൂറ്റൻ സ്രാവ് തീരത്തിന് കൗതുകമായി. പുള്ളി നിറവും നീളമേറിയ വാലും കൂറ്റൻ ചിറകുകളുമായി കരയ്‌ക്കെത്തിയ സ്രാവിനെ ഏറെ പണിപ്പെട്ടാണ് തിരികെവിട്ടത്. ചിലർക്ക് വാലുകൊണ്ടുള്ള അടിയേൽക്കുകയും ചെയ്തു. കോവളത്തെ കരമടി മത്സ്യത്തൊഴിലാളികളുടെ വലയിൽ കുടുങ്ങിയ പടുകൂറ്റൻ വെയിൽ ഷാർക്കാണ് (തിമിംഗല സ്രാവ്) ഇന്നലത്തെ അതിഥിയായത്.

വലയിൽ അപ്രതീക്ഷിതമായി കുടുങ്ങിയ സ്രാവിനെ വലപൊട്ടിച്ച് രക്ഷപ്പെടുത്താൻ മത്സ്യത്തൊഴിലാളികൾ നടത്തിയ ആദ്യ ശ്രമം പരാജയപ്പെട്ടു. തീരത്തടുപ്പിച്ച വലയിൽ നിന്ന് സ്രാവിനെ മോചിപ്പിച്ചെങ്കിലും മണൽപ്പരപ്പിൽ ആണ്ടുപോയതുകാരണം കടലിലേക്ക് തിരികെഇറങ്ങാനായില്ല. 12 മീറ്ററിലേറെ നീളവും ഏകദേശം 2000 കിലോ ഭാരവുമുള്ള വിരുന്നുകാരനെ കാണാൻ ബീച്ചിലുണ്ടായിരുന്നവർ തടിച്ചുകൂടി. ലൈഫ്ഗാർഡുമാരും നാട്ടുകാരും സ്‌കൂബ ഡൈവിംഗ് അംഗങ്ങളും വിദേശികളും ചേർന്നാണ് ഒടുവിൽ സ്രാവിനെ കടലിലേക്ക് വിട്ടത്. രക്ഷാപ്രവർത്തനത്തിനിടെ വാൽകൊണ്ടുള്ള അടിയേറ്റ് ലൈഫ് ഗാർഡുമാരായ വെർജിൻ, രഞ്ജിത്ത്, ശിശുപാലൻ എന്നിവർക്കും ഒരുവിദേശിക്കും നിസ്സാര പരിക്കേറ്റു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, THIRUVANANTHAPURAM, BIG SHARK, KOVALAM, TRIVANDRUM
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.