SignIn
Kerala Kaumudi Online
Friday, 14 May 2021 7.25 AM IST

കുടമാ‌റ്റത്തോടെ തൃശൂർ പൂരം പകൽ സമയ ചടങ്ങുകൾക്ക് സമാപനം, ഇനി വെടിക്കെട്ടിനായി കാത്തിരിപ്പ്

pooram-b

തൃശൂർ: കൊവിഡ് കാലത്തെ കർശന പ്രോട്ടോകോൾ നിലനിൽക്കുന്നതിനാൽ ഇത്തവണ ഉത്സവ ലഹരിയില്ലാതെ ചടങ്ങുകളുടെ ലാളിത്യത്തിൽ പൂരങ്ങളുടെ പൂരമായ തൃശൂർ പൂരം നടന്നു. വൈകുന്നേരം അഞ്ച് മണിയോടെ പാറമേക്കാവ് വിഭാഗം നടത്തിയ കുടമാ‌റ്റത്തോടെ പൂരത്തിന്റെ പകൽ സമയത്തെ ചടങ്ങുകൾ അവസാനിച്ചു. ഇനി രാത്രിയുള‌ള വെടിക്കെട്ടോടെ ഈ വർഷത്തെ പൂരാഘോഷം അവസാനിക്കും. കൊവിഡ് സാഹചര്യം മൂലം നാളത്തെ പകൽപൂരം ഈ വർഷമുണ്ടാകില്ല.

pooram-c

പുലർച്ചെ തന്നെയെത്തിയ കണിമംഗലം ശാസ്‌താവിന്റെ എഴുന്നള‌ളത്തോടെയാണ് ഘടകപൂരങ്ങളുടെ എഴുന്നള‌ളത്ത് തുടങ്ങിയത് . വടക്കുംനാഥ ക്ഷേത്രത്തിൽ പൂരം എത്തുന്നത് വെയിലേൽക്കുന്നതിന് മുൻപ് വേണം എന്ന വിശ്വാസപ്രകാരം പുലർച്ചെ ഏഴ്‌ മണിക്ക് തന്നെ കണിമംഗലം ക്ഷേത്രത്തിലെ ബൃഹസ്‌പതി ഭാവത്തിലുള‌ള ശാസ്‌താവ് എത്തി. കു​ള​ശേ​രി​ ​ഷേ​ത്ര​ത്തി​ൽ​ ​ഇ​റ​ക്കി​ ​പൂ​ജ​ ​ക​ഴി​ഞ്ഞ​ ​ശേ​ഷം​ ​മേ​ള​ത്തി​ന്റെ​ ​അ​ക​മ്പ​ടി​യോ​ടെ​ ​വ​ട​ക്കും​നാ​ഥ​ ​ക്ഷേ​ത്ര​ത്തി​ലേ​ക്ക് ​തെ​ക്കേ​ഗോ​പൂ​ര​ ​ന​ട​വ​ഴി​ ​അ​ക​ത്തേക്ക് ശാസ്‌താവ് എഴുന്നള‌ളി


ദേ​വ​ഗു​രു​വാ​യ​ ​ബൃ​ഹ​സ്പ​തി​യാ​ണ് ​ക​ണി​മം​ഗ​ലം​ ​ശാ​സ്താ​വെ​ന്നാ​ണ് ​ഐ​തി​ഹ്യം.​ ​അ​തി​നാ​ൽ​ ​ദേ​വ​ഗു​രു​ ​വ​ട​ക്കു​ന്നാ​ഥ​നെ​ ​വ​ണ​ങ്ങാ​റി​ല്ല.​ ​ദേ​വ​ഗു​രു​വി​നെ​ ​ക​ണ്ടാ​ൽ​ ​വ​ട​ക്കു​ന്നാ​ഥ​ൻ​ ​എ​ഴു​ന്നേ​റ്റ് ​നി​ൽ​ക്കേ​ണ്ടി​ ​വ​രു​മെ​ന്ന​തി​നാ​ൽ​ ​ക​ണി​മം​ഗ​ലം​ ​ശാ​സ്താ​വ് ​തെ​ക്കെ​ഗോ​പു​ര​ ​ന​ട​ ​വ​ഴി​ ​വ​ന്ന് ​പ​ടി​ഞ്ഞാ​റെ​ ​ന​ട​വ​ഴി​ ​ഇ​റ​ങ്ങി.​ ​പിന്നാലെ മ‌റ്റ് ഘടകപൂരങ്ങളും എത്തിത്തുടങ്ങി. ​സ​മ​യ​ക്ര​മം​ ​അ​നു​സ​രി​ച്ച് ​ചെ​മ്പു​ക്കാ​വ്,​ ​പ​നേ​ക്കും​മ്പി​ള്ളി,​കാ​ര​മു​ക്ക് ​

പൂ​ക്കാ​ട്ടി​ക​ര,​ലാ​ലൂ​ർ,​ചൂ​ര​ക്കോ​ട്ടു​ക്കാ​വ്,​ ​അ​യ്യ​ന്തോ​ൾ,​നെ​യ്ത​ല​ക്കാ​വ് ​എ​ന്നി​ ​ഘ​ട​ക​ ​ക്ഷേ​ത്ര​ങ്ങ​ൾ​ ​വ​ട​ക്കും​നാ​ഥ​നെ​ ​വ​ണ​ങ്ങാ​നെ​ത്തി.​ഘടകപൂരങ്ങളെല്ലാം ഇത്തവണ ഒരാനപ്പുറത്താണ് നടന്നത്. തിരുവമ്പാടിയും ഇത്തവണ ഒരാനപ്പുറത്താണ് എഴുന്നള‌ളിച്ചത്. എന്നാൽ പാറമേക്കാവ് 15 ആനപ്പുറത്ത് തന്നെ എഴുന്നള‌ളത്ത് നടത്തി. കുടമാ‌റ്റത്തിനുൾപ്പടെ പൂരത്തിന് ആകെ ഇത്തവണ 32 ആനകൾ മാത്രമാണുള‌ളത്.

pooram-a

തിരുവമ്പാടിയുടെ മഠത്തിൽ വരവ് പ്രൗഢഗംഭീരമായ പഞ്ചവാദ്യ മേളത്തോടെ നടന്നു. ഗജരാജൻ തിരുവമ്പാടി ചന്ദ്രശേഖരനാണ് തിരുവമ്പാടിയുടെ തിടമ്പേ‌റ്റിയത്. കോങ്ങാട് മധുവാണ് പഞ്ചവാദ്യത്തിന്റെ പ്രമാണം വഹിച്ചത്. 12 മണിയോടെ പാറമേക്കാവിന്റെ എഴുന്നള‌ളത്ത് ആരംഭിച്ചു. പാറമേക്കാവ് ശ്രീ പത്മനാഭനായിരുന്നു തിടമ്പ്.

elanjitharamelom

പാറമേക്കാവിന്റെ എഴുന്നള‌ളത്തിന് പിന്നാലെ പെരുവനം കുട്ടൻമാരാരുടെ പ്രമാണിത്വത്തിൽ പാണ്ടിമേളം ആരംഭിച്ചു. വടക്കുംനാഥ ക്ഷേത്രത്തിലെ മതിൽക്കെട്ടിലുള‌ള ഇലഞ്ഞിത്തറയുടെ ചുവട്ടിൽ നിരവധി കലാകാരന്മാർ പങ്കെടുക്കുന്ന ഇലഞ്ഞിത്തറമേളം നടന്നു. രണ്ടര മണിക്കൂറോളം നീണ്ടുനിന്നു മേളം. ഇതിന്‌ശേഷം അഞ്ച് മണിയോടെ കുടമാ‌റ്റം തുടങ്ങി. പാറമേക്കാവ് വിഭാഗത്തിലെ 15 ആനകൾ മാത്രമാണ് ഇതിൽ പങ്കെടുത്തത്. എട്ട സെ‌റ്റ് കുടകളാണ് മാറിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: THRISSURPOORAM, LIVE, BEGINS
KERALA KAUMUDI EPAPER
TRENDING IN KERALA
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.