SignIn
Kerala Kaumudi Online
Friday, 20 May 2022 10.27 AM IST

മലയാളത്തിന് ആദരവുമായി അന്യഭാഷക്കാർ

malayalam

കൊച്ചി: കേരളപ്പിറവി ദിനത്തിൽ മലയാളത്തിന് ആദരവ് അർപ്പിക്കാൻ 20 ഭാഷകൾ. സാംസ്കാരിക കൊച്ചിയുടെ ആഭിമുഖ്യത്തിൽ തിങ്കളാഴ്ച വൈകിട്ട് അഞ്ചിന് എറണാകുളം ടി.ഡി.എം ഹാളിൽ നടക്കുന്ന ഭാഷാ വന്ദന സായാഹ്നത്തിൽ സംസ്കൃതം, തമിഴ്, കന്നഡ, തെലുങ്ക്, ഒറിയ, ഉറുദു, ഹിന്ദി,കാശ്മിരി തുടങ്ങി ഇംഗ്ളീഷ്, ഫ്രഞ്ച്, ജർമ്മൻ,സ്പാനിഷ്, ഇറ്റലി,അറബി എന്നിങ്ങനെ വിദേശ ഭാഷക്കാരും മലയാളത്തിന് ആശംസകൾ നേരും. പലവിധ ഭാഷകൾ സംസാരിക്കുന്നവരെല്ലാം കൊച്ചിയുടെ വിവിധ ഭാഗങ്ങളിൽ നിന്നുള്ളവരാണ്. ഇറ്റാലിയൻ അഭിവാദ്യം അർപ്പിക്കുന്നത് നാലു പുരോഹിതരാണ്. കൊവിഡ് ഇടവേളയ്ക്ക് ശേഷം എത്തുന്ന കേരള പിറവി ദിനത്തെ വ്യത്യസ്തങ്ങളായ പരിപാടികളോടെ വരവേൽക്കാനുള്ള ഒരുക്കത്തിലാണ് നഗരം.

അതിജീവനകാലത്തെ സാഹിത്യം

രാവിലെ 11 ന് ജി ഓഡിറ്റോറിയത്തിൽ നടക്കുന്ന ഭാഷാസമ്മേളനം സംസ്കൃത സർവകലാശാലാ മുൻ വൈസ് ചാൻസലർ കെ.ജി. പൗലോസ് ഉദ്ഘാടനം ചെയ്യും. അതിജീവനകാലത്തെ ഭാഷയും സാഹിത്യവും എന്ന വിഷയത്തിൽ പ്രൊഫ.എം.വിനയകുമാർ സംസാരിക്കും. ബാലചന്ദ്രൻ വടക്കേടത്ത് അദ്ധ്യക്ഷനാകും. തുടർന്ന് കവി സമ്മേളനം.

പബ്ളിക് ലൈബ്രറിയിൽ

പബ്ളിക് ലൈബ്രറിയിൽ തിങ്കളാഴ്ച വൈകിട്ട് അഞ്ചിന് എൻ.ഇ.സുധീറിന്റെ പ്രഭാഷണം. നാളെ രാവിലെ 9.30 ന് മലയാളഭാഷയും സംസ്കാരവും എന്ന വിഷയത്തിൽ ഹൈസ്കൂൾ, ഹയർ സെക്കൻഡി വിദ്യാർത്ഥികൾക്കായി ക്വിസ് മത്സരം.

രമണനെ ആദരിക്കും

കവി ചങ്ങമ്പുഴയുടെ പ്രശസ്തകൃതി രമണൻ പുറത്തിറങ്ങിയ 1936 ഒക്ടോബറിൽ പിറന്ന രമണന് നാളെ ശതാഭിഷേകം. പ്രേമകാവ്യത്തിലെ നായകന്റെ ശതാഭിഷേക വർഷത്തിൽ തന്നെ ശതാഭിഷേകത്തിലെത്തിയ കൊച്ചി ചളിക്കവട്ടത്ത് ഗോവിന്ദന്റെ മകനായി പിറന്ന രമണനെ നഗരം ആദരിക്കും. രമണനാമധാരികളുടെ കൂട്ടായ്മയായ രമണീയം ട്രസ്റ്റാണ് പരിപാടി സംഘടിപ്പിക്കുന്നത്. വൈകിട്ട് അഞ്ചിന് ചളിക്കവട്ടത്തെ രമണന്റെ വസതിയിൽ നടക്കുന്ന ചടങ്ങിൽ മേയർ എം.അനിൽകുമാർ മുഖ്യാതിഥിയാകും. രമണന്റെ ആദ്യ പ്രസാധകൻ എ.കെ.ഹമീദിന്റെ മകൻ ഡോ.ഫൈസി, ചങ്ങമ്പുഴയുടെ പുത്രി ലളിത എന്നിവർ പങ്കെടുക്കും.

മാതൃഭാഷ വാരാചരണം

കേരള സാഹിത്യ വേദിയുടെ ആഭിമുഖ്യത്തിൽ നടത്തുന്ന മാതൃഭാഷാവാരാചരണം തിങ്കളാഴ്ച കവി എസ്.ജോസഫ് ഓൺലൈനായി ഉദ്ഘാടനം ചെയ്യും. പ്രസിഡന്റ് ജി.കെ.പിള്ള, പി.കൃഷ്ണൻ, രാമചന്ദ്രൻ പുറ്റുമാനൂർ എന്നിവർ സംസാരിക്കും. തുടർന്നുള്ള ദിവസങ്ങളിൽ വിവിധ വിഷയങ്ങളിൽ പ്രഭാഷണങ്ങൾ ഉണ്ടായിരിക്കും .

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, ERNAKULAM, MALAYALAM
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.