Kerala Kaumudi Online
Friday, 24 May 2019 4.05 AM IST

തുഷാറിനെ ആക്രമിച്ച സംഭവം: രണ്ട് കേസുകളെടുത്തു

thushar-vellappalli

മലപ്പുറം: വയനാട് മണ്ഡലത്തിലെ എൻ.ഡി.എ സ്ഥാനാർത്ഥി തുഷാർ വെള്ളാപ്പള്ളിക്ക് നേരെ മലപ്പുറം വണ്ടൂരിൽ വച്ചുണ്ടായ ആക്രമണങ്ങളിൽ പൊലീസ് രണ്ടു കേസുകളെടുത്തു. കാളികാവ് കല്ലാമൂലയിൽ യു.ഡി.എഫ് കൺവെൻഷനിൽ പങ്കെടുത്തിരുന്ന കോൺഗ്രസ്, മുസ്ലിംലീഗ് പ്രവർത്തകർ ആക്രമിച്ച സംഭവത്തിലും പൂങ്ങോട് തുഷാറിന്റെ വാഹനവ്യൂഹത്തിന് നേരെയുണ്ടായ ആക്രമണത്തിലുമാണ് കേസുകളെടുത്തത്. ആദ്യത്തെ സംഭവത്തിൽ തിരിച്ചറിയാത്ത ഒരു സംഘം ആളുകൾക്കെതിരെയാണ് കേസ്. പൂങ്ങോട്ടെ ആക്രമണത്തിൽ 15ഓളം പേർക്കെതിരെ കേസെടുത്തു. ഇവർ സി.പി.എം പ്രവർത്തകരാണെന്നാണ് പരിക്കേറ്റവർ പൊലീസിന് മൊഴി നൽകിയിട്ടുള്ളത്. ചിലരുടെ പേരുവിവരങ്ങളും പൊലീസിന് ലഭിച്ചിട്ടുണ്ട്.

വെള്ളിയാഴ്ച വൈകിട്ട് അഞ്ചിന് കല്ലാമൂലയിലുണ്ടായ ആക്രമണത്തിൽ തുഷാറിന്റെ കാറിന്റെ ചില്ല് തകർന്നിരുന്നു. രാത്രി ഏഴരയോടെയാണ് പൂങ്ങോട്

ആക്രമണമുണ്ടായത്. മാരകായുധങ്ങളുമായി ആസൂത്രിതമായ നടന്ന ആക്രമണത്തിൽ 15ഓളം പ്രവർത്തകർക്ക് പരിക്കേറ്റു. സംഭവത്തിൽ പ്രതിഷേധിച്ച് വണ്ടൂരിൽ ഇന്നലെ എൻ.ഡി.എ പ്രകടനവും വിശദീകരണയോഗവും നടത്തി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: THUSHAR VELLAPALLY
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA