ഭോപ്പാൽ: മദ്ധ്യപ്രദേശിലെ മദ്യവ്യവസായിയും കോൺഗ്രസ് നേതാവുമായ ശങ്കർ റായിയുടെ വീട്ടിലും സ്ഥാപനങ്ങളിലും നടന്ന ആദായനികുതിവകുപ്പ് റെയ്ഡിൽ 9 കോടി രൂപയും മൂന്ന് കിലോ സ്വർണവും പിടിച്ചെടുത്തു. 39 മണിക്കൂർ നീണ്ടുനിന്ന റെയ്ഡിൽ നിരവധി രേഖകളും കണ്ടെടുത്തു.ശങ്കറിന്റെ ദമോഹിലെ വീട്ടിലും കുടുംബാംഗങ്ങളുടെ വീടുകളിലും സ്ഥാപനങ്ങളിലും അടക്കം പത്തിടങ്ങളിൽ വ്യാഴാഴ്ച രാവിലെ ആറിനാണ് റെയ്ഡ് ആരംഭിച്ചത്. ഇവിടങ്ങളിൽ നിന്നാണ് എട്ട് കോടി രൂപ പിടിച്ചെടുത്തത്. ബാക്കി ഒരു കോടി ബാഗുകളിലാക്കി വാട്ടർ ടാങ്കിൽ സൂക്ഷിച്ചിരിക്കുകയായിരുന്നു. റെയ്ഡ് അവസാനിച്ചെന്നും ഇനി പിടിച്ചെടുത്ത രേഖകളും മറ്റും കേന്ദ്രീകരിച്ചുള്ള അന്വേഷണം തുടരുമെന്നും അധികൃതർ വ്യക്തമാക്കി. ഇതിനുശേഷമേ സ്വത്ത് സംബന്ധിച്ച യഥാർത്ഥ കണക്കുകൾ വ്യക്തമാകൂ.ശങ്കർ ഭോപ്പാൽ മുനിസിപ്പാലിറ്റിയിലെ മുൻ അദ്ധ്യക്ഷനാണ്. ശങ്കറിന്റെ സഹോദരൻ കമൽ റായി ബി.ജെ.പി നേതാവാണ്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |