തൃശൂർ: പൂരത്തിന് എത്തുന്നവർ വിശനിരിക്കേണ്ട, കിട്ടും രണ്ട് രൂപയ്ക്ക് ഇഡ്ഡലി. ഫാ. ഡേവിസ് ചിറമ്മൽ ചാരിറ്റബിൾ ട്രസ്റ്റിന്റെ ജീവകാരുണ്യ പ്രവർത്തനങ്ങളുടെ ഭാഗമായാണ് പൂരത്തിന് എത്തുന്നവർക്ക് രണ്ട് രൂപയ്ക്ക് ഇഡ്ഡലി നൽകുന്നത്. മൂന്ന് ഇഡ്ഡലിയും സാമ്പാറും ചേർന്ന ഒരു ബോക്സാണ് നൽകുന്നത്.
പെരിങ്ങാവിലെ ക്ലോത്ത് ആൻഡ് ഫുഡ് ബാങ്കിനോട് ചേർന്ന് ദിവസവും രണ്ട് രൂപയ്ക്ക് ഇഡ്ഡലി ലഭിക്കുമെന്നും ഫാ. ഡേവിസ് ചിറമ്മൽ വാർത്താ സമ്മേളനത്തിൽ പറഞ്ഞു. ഇവിടെ എല്ലാ ബുധനാഴ്ചകളിലും ആഴ്ചച്ചന്തകളും ആരംഭിക്കും. എനിടൈം മണി ട്രാൻസ്ഫർ കമ്പനിയുമായി സഹകരിച്ച് വീട്ടുപടിക്കൽ സേവനം ലഭ്യമാക്കുന്ന ഡിജിറ്റൽ പണമിടപാടും നടത്തും. ഇതിലൂടെ നിരവധി പേർക്ക് ജോലി ലഭ്യമാക്കാൻ സാധിക്കുമെന്നും ഫാ. ചിറമ്മൽ പറഞ്ഞു.
ഇഡ്ഡലി വിൽപ്പനയിലെ ലാഭത്തിൽ നിന്ന് കമ്പനി ട്രസ്റ്റിന്റെ ജീവകാരുണ്യ പ്രവർത്തനങ്ങൾക്ക് നൽകും. ആഴ്ചച്ചന്തയിൽ കർഷകർക്ക് തങ്ങളുടെ ഉത്പന്നങ്ങൾ ഇവിടെ കൊണ്ടുവന്ന് വിൽപ്പന നടത്താം. വാർത്താസമ്മേളനത്തിൽ രാജൻ പി. മോമസ്, സി.വി. ജോസ്, ലൈജു സെബാസ്റ്റ്യൻ, അജീഷ് അമയത്ത്, വിമൽ സദാനന്ദൻ, നിതിൻ പവിത്രൻ എന്നിവർ പങ്കെടുത്തു.
കുടമാറ്റം സമയത്താണ് ഇഡ്ഡലി വിൽപ്പന നടത്തുക. മൂന്ന് ഇഡ്ഡലിയും സാമ്പാറും ചേർന്ന ഒരു ബോക്സാണ് ആറ് രൂപയ്ക്ക് നൽകുന്നത്.
- ഫാ. ഡേവിസ് ചിറമ്മൽ
സാഹിത്യ അക്കാഡമി പൂരം പുസ്തകോത്സവം 28 മുതൽ
തൃശൂർ: കേരള സാഹിത്യ അക്കാഡമി തൃശൂർ പൂരത്തോട് അനുബന്ധിച്ച് നടത്തുന്ന പൂരം പുസ്തകോത്സവത്തിനും സാംസ്കാരിക പരിപാടികൾക്കും ഏപ്രിൽ 28ന് തുടക്കമാകും. വൈകിട്ട് അഞ്ചിന് ഉന്നതവിദ്യാഭ്യാസമന്ത്രി ഡോ. ആർ. ബിന്ദു ഉദ്ഘാടനം ചെയ്യും. സാഹിത്യ അക്കാഡമി ഉൾപ്പെടെയുള്ള സാംസ്കാരിക സ്ഥാപനങ്ങൾ പ്രസിദ്ധീകരിച്ച പുസ്തകങ്ങൾ വിലക്കിഴിവിൽ വാങ്ങാനുള്ള അവസരം പുസ്തകോത്സവം ഒരുക്കുന്നുണ്ട്. എല്ലാ ദിവസവും വൈകിട്ട് പ്രഭാഷണങ്ങളും കലാപരിപാടികളും അരങ്ങേറും. മേയ് ഏഴിന് പുസ്തകോത്സവം സമാപിക്കും.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |