കൊച്ചി: പ്രമുഖ ബാങ്കിതര ധനകാര്യസ്ഥാപനമായ മുത്തൂറ്റ് മിനി ഫിനാൻസിയേഴ്സിന്റെ ലാഭം കഴിഞ്ഞ സാമ്പത്തികവർഷം (2021-22) 45 ശതമാനം ഉയർന്ന് 46.29 കോടി രൂപയിലെത്തി. സംയോജിത ആസ്തി 1994.21 കോടി രൂപയിൽ നിന്ന് 25.29 ശതമാനം വർദ്ധിച്ച് 2,498.60 കോടി രൂപയായി.
പ്രവർത്തനവരുമാനം 368.22 കോടി രൂപയിൽ നിന്ന് 428.95 കോടി രൂപയിലെത്തി; വളർച്ച 16.49 ശതമാനം. മൊത്തം നിഷ്ക്രിയ ആസ്തി 0.61 ശതമാനത്തിലേക്കും അറ്റ നിഷ്ക്രിയ ആസ്തി 0.52 ശതമാനത്തിലേക്കും മെച്ചപ്പെട്ടു. കൊവിഡ് പ്രതിസന്ധിക്കിടയിലും കഴിഞ്ഞവർഷം മികച്ച വളർച്ച നേടാൻ കമ്പനിക്ക് കഴിഞ്ഞുവെന്ന് മാനേജിംഗ് ഡയറക്ടർ മാത്യു മുത്തൂറ്റ് പറഞ്ഞു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |