ന്യൂഡൽഹി: 2023ലെ പത്മ പുരസ്കാരങ്ങൾ പ്രഖ്യാപിച്ചു. ഒ.ആർ.എസ് ലായനിയുടെ പ്രയോക്താവ് ദിലീപ് മഹലനോബിസ്,​ വിഖ്യാത തബല വിദ്വാൻ സക്കീർ ഹുസൈൻ,​ മുൻ കർണാടക മുഖ്യമന്ത്രി എസ്.എം. കൃഷ്ണ ,​ മുൻ യു.പി. മുഖ്യമന്ത്രി മുലായ്ം സിംഗ് യാദവ്,​ ആർക്കിടെക്ട് ബാൽകൃഷ്ണ ദോഷി ,​ ശാസ്ത്രജ്ഞൻ ശ്രീനിവാസ് വരദൻ എന്നിവർക്ക് പത്മവിഭൂഷൻ ലഭിച്ചു. ദിലീപ് മഹലനോബിസ്,​ മുലായംസിംഗ് യാദവ്,​ ബാൽകൃഷ്ണ ദോഷി എന്നിവർക്ക് മരണാനന്തര ബഹുമതിയായാണ് രാജ്യത്തെ രണ്ടാമത്തെ പരമോന്നത പുരസ്കാരം ലഭിച്ചിരിക്കുന്നത്. നെല്ല് സംരക്ഷകൻ ചെറുവയൽ രാമൻ,​ ഗാന്ധിയൻ വി.പി. അപ്പുക്കുട്ടൻ പൊതുവാൾ,​ സി.ഐ. ഐസക്,​ എസ്.ആർ.ഡി പ്രസാദ് എന്നീ മലയാളികൾ പദ്മശ്രീ പുരസ്കാരത്തിന് അർഹരായി.

പ്രശസ്ത പിന്നണി ഗായിക വാണി ജയറാം പത്മഭൂഷൺ പുരസ്കാരത്തിന് അർഹയായി. സാമൂഹ്യ പ്രവർത്തകയും എഴുത്തുകാരിയുമായ സുധാമൂർത്തി,​ വ്യവസായി കുമാരമംഗലം ബിർള എന്നിവർ ഉൾപ്പെടെ 9 പേർക്ക് പത്മഭൂഷൺ പുരസ്കാരം ലഭിച്ചു.

പദ്മജേതാക്കളുടെ പൂർണ പട്ടിക