ആശാകിരൺ പുരസ്‌കാര വിതരണം

എഴുകോൺ : കൊട്ടാരക്കര ആശ്രയ ഏർപ്പെടുത്തിയ ആശാകിരൺ പുരസ്‌കാരങ്ങൾ എഴുകോൺ ഗ്രാമപഞ്ചായത്തിലെ ആരോഗ്യ പ്രവർത്തകരായ ആശ മാർക്ക് നൽകി. ബ്ലോക്ക് പഞ്ചായത്ത് പ്രസിഡന്റ് എ. അഭിലാഷ് പുരസ്കാരദാനം നിർവഹിച്ചു. എഴുകോൺ ഗ്രാമപഞ്ചായത്ത് പ്രസിഡന്റ് അഡ്വ . ബിജു എബ്രഹാം അദ്ധ്യക്ഷനായി. ആശ്രയ അനാഥരില്ലാത്ത ഭാരതം എഴുകോൺ യൂണിറ്റിന്റെ പ്രവർത്തനോദ്ഘാടനം ആശ്രയ ജനറൽ സെക്രട്ടറി കലയപുരം ജോസ് നിർവഹിച്ചു. പഞ്ചായത്ത് വൈസ് പ്രസിഡന്റ് വി. സുഹർബാൻ, സ്ഥിരം സമിതി അദ്ധ്യക്ഷരായ ബീന മാമച്ചൻ , സുനിൽകുമാർ, അംഗങ്ങളായ ആർ.വിജയപ്രകാശ് , അഡ്വ. രതീഷ് കിളിത്തട്ടിൽ, സുധർമ ദേവി , എസ്.ബി.സിബി, മഞ്ജുരാജ്, പ്രീത കനകരാജൻ, യൂണിറ്റ് ട്രഷറർ ടി.സി.ഉമ്മച്ചൻ എന്നിവർ പ്രസംഗിച്ചു.എഴുകോൺ യൂണിറ്റ് പ്രസിഡന്റ് ഷാജി അമ്പലത്തുംകാല സ്വാഗതവും ജില്ലാ വർക്കിങ്ങ് പ്രസിഡന്റ് അലക്സ് മാമ്പുഴ നന്ദിയും പറഞ്ഞു.