SignIn
Kerala Kaumudi Online
Monday, 14 October 2019 1.54 PM IST

കണ്ണൂരിൽ ഷോപ്പിംഗ് കോപ്ലക്സും അഞ്ചേക്കർ ഭൂമിയും, എന്നിട്ടും കോടീശ്വരനായ വ്യാപാരി കവർച്ച നടത്തിയത് ഇരുപത്തഞ്ചോളം കാറുകളിൽ

theft-

തളിപ്പറമ്പ് : കണ്ണർ തളിപ്പറമ്പ് നഗരത്തിൽ ഇരുപത്തിയഞ്ചിലധികം കാറുകളാണ് കഴിഞ്ഞ ഒൻപത് മാസത്തിനിടയ്ക്ക് മോഷണത്തിനിരയായത്. നിർത്തിയിട്ടിരിക്കുന്ന കാറുകളുടെ ഗ്ലാസ് തകർത്തുള്ള മോഷണത്തിൽ ഇതര സംസ്ഥാനക്കാരടക്കം നിരവധി പേർക്ക് പങ്കുള്ളതായി പൊലീസ് സംശയിച്ചിരുന്നു. ഒടുവിൽ കാർ മോഷണകേസിലെ പ്രതിയെ പൊലീസ് പിടികൂടിയപ്പോൾ ഞെട്ടിയത് നാട്ടുകാരാണ്. നാട്ടിലെ അറിയപ്പെടുന്ന ധനാഢ്യനായ വ്യാപാരിയെയാണ് മോഷണകുറ്റത്തിന് പൊലീസ് പിടികൂടിയത്. തളിപ്പറമ്പ് പുഷ്പഗിരിയിലെ മാടാളൻ പുതിയപുരയിൽ അബ്ദുൾ മുജീബിനെയാണ് പൊലീസ് കഴിഞ്ഞ ദിവസം പിടികൂടിയത്.

തളിപ്പറമ്പ് നഗരത്തിൽ ദേശീയപാതയ്ക്കരികയായി മൂന്ന് നില ഷോപ്പിംഗ് കോംപ്ലക്സും അഞ്ച് ഏക്കറോളം ഭൂമിയും നാൽപ്പത്തിയൊന്ന്കാരനായ അബ്ദുൾ മുജീദിനുണ്ട്. കവർച്ചനടന്ന ഇടങ്ങളിൽ നിന്നും ലഭിച്ച സിസിടിവി ദൃശ്യങ്ങളാണ് പൊലീസിനെ ഇയാളിലേക്കെത്തിച്ചത്. ഇരുപത്തഞ്ചോളം വാഹനങ്ങളിൽ മോഷണം നടത്തി ഏഴരലക്ഷത്തോളം രൂപയും സ്വർണാഭരണങ്ങളും ഇയാൾ കവർന്നതായി സമ്മതിച്ചിട്ടുണ്ട്. ആഢംബര ജീവിതം നയിക്കുന്നതിനിടെയുണ്ടായ സാമ്പത്തിക പ്രതിസന്ധിയിൽ നിന്നും കരകയറാനാണ് മോഷണം നടത്തിയതെന്ന് പ്രതി പൊലീസിനോട് സമ്മതിച്ചിട്ടുണ്ട്. ഭൂസ്വത്തിൻ മേൽ കൂട്ടുത്തരവാദിത്തമുള്ളതിനാൽ വിൽപ്പന നടത്താൻ കഴിയാതിരുന്നതാണ് മോഷണത്തിന് തന്നെ പ്രേരിപ്പിച്ചതെന്നാണ് മുജീദ് മൊഴി നൽകിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, KANNUR, THALIPPARAMPU
KERALA KAUMUDI EPAPER
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.