SignIn
Kerala Kaumudi Online
Tuesday, 12 November 2019 8.44 AM IST

രാകേഷ് അസ്താനയ്ക്കെതിരെ നുണപരിശോധനാ ഫലം

rr

ന്യൂഡൽഹി: സി.ബി.ഐ സ്‌പെഷ്യൽ ഡയറക്ടറായിരിക്കെ രാകേഷ് അസ്താന രണ്ടുകോടി രൂപ കൈക്കൂലി വാങ്ങിയെന്ന ബിസിനസുകാരൻ സതീഷ് ബാബു സനായുടെ മൊഴി ശരിയെന്ന് നുണപരിശോധനാ ഫലം. കള്ളപ്പണം വെളുപ്പിക്കൽ കേസിൽ അറസ്റ്റിലായ മോയിൻ ഖുറേഷി എന്ന മാംസ കയറ്റുമതിക്കാരനെതിരെയുള്ള കേസിൽ പേര് പരാമർശിക്കാതിരിക്കാനാണ് അസ്താന കൈക്കൂലി വാങ്ങിയത്. ദുബായ് ആസ്ഥാനമായുള്ള മനോജ് പ്രസാദ് എന്നയാൾ മുഖേനയാണ് പണം കൈമാറിയതെന്നാണ് സനാ നൽകിയ മൊഴി.

ഇത് ശരിയാണോ എന്ന് ഉറപ്പാക്കാനാണ് പോളിഗ്രാഫ് പരിശോധന നടത്തിയത്. സനാ പറഞ്ഞത് ശരിയാണെന്നാണ് സെൻട്രൽ ഫോറൻസിക് ലബോറട്ടറി റിപ്പോർട്ട് നൽകിയതെന്ന് ദേശീയ ദിനപത്രം റിപ്പോർട്ട് ചെയ്തു. ഡിസംബർ എട്ടിനകം ഈ കേസിൽ സി.ബി.ഐ അന്വേഷണം പൂർത്തിയാക്കണമെന്ന് കോടതിയുടെ നിർദ്ദേശമുണ്ട്.

മോയിൻ ഖുറേഷി കേസിൽ പണം വാങ്ങിയത് താനല്ലെന്നും പകരം രണ്ടു കോടി രൂപ കൈക്കൂലി വാങ്ങിയത് സി.ബി.ഐ മേധാവി തന്നെയാണെന്നുമായിരുന്നു അസ്താനയുടെ ആരോപണം. സി.ബി.ഐ ഡയറക്ടറായിരുന്ന അലോക് വർമ്മ തനിക്കെതിരെ പ്രതികാര നടപടിയെന്നോണം രജിസ്റ്റർ ചെയ്തതാണ് ഈ കേസ് എന്നായിരുന്നു അസ്താനയുടെ വാദം.

അലോക് വർമ്മയും അസ്താനയും തമ്മിലുള്ള പോര് രൂക്ഷമായതോടെ അലോക് വർമ്മയെ സി.ബി.ഐ ഡയറക്ടർ സ്ഥാനത്തുനിന്ന് പുറത്താക്കി. തൊട്ടുപിന്നാലെ അദ്ദേഹം സർവീസിൽ നിന്ന് രാജിവച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, RAKESH ASTHANA
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.