SignIn
Kerala Kaumudi Online
Thursday, 02 April 2020 2.22 AM IST

ഗർഭനിരോധന ഉറകളിൽ പൊതിഞ്ഞ് മലദ്വാരത്തിൽ ഒളിപ്പിച്ച് സ്വർണം കടത്താൻ ശ്രമിച്ചു: യുവാക്കൾ ആർ.പി.എഫ് സംഘത്തിന്റെ പിടിയിൽ

gold

പാലക്കാട്: ഒരു കിലോ സ്വർണവും 16 കിലോ കഞ്ചാവും കടത്താൻ ശ്രമിച്ച യുവാക്കൾ റെയിൽവേ സ്‌റ്റേഷനിൽ നിന്നും ആർ.പി എഫ് കുറ്റാന്വേഷണ സംഘത്തിന്റെ പിടിയിൽ. രണ്ട് കോഴിക്കോട് സ്വദേശികൾ മലദ്വാരത്തിൽ ഒളിപ്പിച്ച് കടത്തിയ സ്വർണവും തൃശൂർ സ്വദേശി കടത്തിയ കഞ്ചാവുമാണ് ആർ.പി.എഫ് കുറ്റാന്വേഷണ വിഭാഗം പിടികൂടിയത്. കഴിഞ്ഞ ഒന്നര മാസത്തിനിടെ അറുപത്തി നാല് കിലോ കഞ്ചാവാണ് പാലക്കാട് റെയിൽവേ സ്‌റ്റേഷനിൽ നിന്നും ഇതുവരെ പിടികൂടിയത്.

കോഴിക്കോട് കുന്ദമംഗലം ഭാഗത്തു നിന്നും വരുന്ന ഹബീബ് റഹ്മാൻ, പി ഇ മിഥുൻ എന്നിവരെയാണ് സ്വർണം കടത്തിയതിന് ആർ.പി.എഫ് കുറ്റാന്വേഷണ വിഭാഗം പിടികൂടിയത്. ഇരുവരും സ്വർണം ഗർഭ നിരോധന ഉറകളിൽ പൊതിഞ്ഞ് ക്യാപ്‌സ്യൂൾ രൂപത്തിലാക്കി മലദ്വാരത്തിൽ ഒളിപ്പിച്ചായിരുന്നു കടത്താൻ ശ്രമിച്ചത്. ദിണ്ഡിഗലിൽ നിന്നുമാണ് ഇവർ തീവണ്ടിയിൽ കയറി പറ്റിയത്. തിരുച്ചിറപ്പള്ളി വിമാനത്താവളത്തിൽ നിന്നും സ്വർണം കേരളത്തിലേക്ക് കടത്താനായിരുന്നു ഇവർ പദ്ധതിയിട്ടത്. ഇവർക്ക് ആരാണ് സ്വർണം നൽകിയത് എന്ന കാര്യം അന്വേഷിച്ചുവരികയാണ്.

ചെന്നൈ മംഗലാപുരം എക്‌സ്പ്രസിൽ നിന്നും പാലക്കാട് ഇറങ്ങിയ ആളിൽ നിന്നുമാണ് ആർ.പി.എഫ് അന്വേഷണ സംഘം കഞ്ചാവ് പിടികൂടിയത്. തൃശൂർ അരണാട്ടുകര സ്വദേശി ലിബിനാണ് പിടിയിലായിട്ടുള്ളത്. സേലത്ത് നിന്നും കഞ്ചാവുമായി ട്രെയിനിൽ കയറിയ ലിബിൻ പാലക്കാട് റെയിൽവേ സ്‌റ്റേഷനിൽ ഇറങ്ങി തൃശ്ശൂരിലേക്ക് ബസ് മാർഗം പോകാൻ ശ്രമിക്കുന്നതിനിടെയാണ് ആർ.പി.എഫ് ഇയാളെ പിടികൂടിയത്. ഇയാളുടെ കൈവശമായുണ്ടായിരുന്ന കഞ്ചാവിന് വിപണിയിൽ പത്ത് ലക്ഷത്തിലേറെ രൂപ വിലയുണ്ട്. ബംഗളൂരുവിൽ ഫാഷന്‍ ഡിസൈനിംഗ് വിദ്യാർത്ഥിയായിരുന്ന ലിബിൻ മുൻപും കഞ്ചാവ് അടക്കമുള്ള ലഹരി വസ്തുക്കൾ കടത്തിയിയിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, KERALA, GOLD, GOLD SMUGGLING, PALAKKAD, CASE DIARY
KERALA KAUMUDI EPAPER
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.