SignIn
Kerala Kaumudi Online
Saturday, 15 August 2020 11.19 PM IST

പറപറന്ന് കോഴിവില ആശ്വാസമായി മലബാർ മീറ്റ്

കണ്ണൂർ: ലോക് ഡൗണിൽ വീടുകളിൽ ആഘോഷം പൊടിപൊടിക്കുമ്പോൾ കോഴിവില പറ പറക്കുന്നു. പക്ഷിപ്പനിയെ തുടർന്ന് മാർച്ച് ആദ്യ വാരം അറുപത് വരെയായി കുറഞ്ഞ കോഴി വില ഡിമാന്റ് കൂടിയതോടെ ഇരുന്നൂറിനോട് അടുക്കുകയാണ്. ജില്ലയിൽ കോഴിയിറച്ചി വില കുതിച്ചുകയറി. നേരത്തെ കർണാടകത്തിൽ പക്ഷിപ്പനി വ്യാപകമായതിനെ തുടർന്ന്‌ കോഴിയിറച്ചി വിൽപ്പനയും വിലയും കുത്തനെ കുറഞ്ഞിരുന്നുവെങ്കിലും നോമ്പുകാല ഡിമാൻഡ‌് കൂടി മുൻകൂട്ടി കണ്ട് വില കുത്തനെ കൂടുകയാണ്..

ലോക്ക്ഡൗണിൽ കർണാടക, തമിഴ് നാട് സംസ്ഥാനങ്ങളിൽനിന്ന‌് കോഴി വരവ് നിലച്ചതാണ്‌ വിലകൂടാൻ കാരണം. തമിഴ് നാട് നാമക്കലിൽ നിന്നാണ് കോഴികൾ കൂടുതലും കേരളത്തിലെത്തുന്നത്..

കോഴി വരവ് നിലച്ചതോടെ പ്രാദേശിക കോഴി ഫാമുകളുടെ നടത്തിപ്പ് പ്രതിസന്ധിയിലായി. നാടൻ കോഴിയെന്ന പേരിൽ കിലോ വിന് 250 രൂപ വരെയാണ് വില. ഇതിന്റെ പേരിലും മുതലെടുപ്പ് വ്യാപകമാണ്. നാടൻ കോഴിയുടെ ലേബലിൽ അന്യ സംസ്ഥാന കോഴികളുടെ വിൽപ്പനയും പൊടിപൊടിക്കുന്നുണ്ട്.മീനിന്റെ വില കൂടിയതും കോഴിയിറച്ചിയുടെ ആവശ്യം കൂടിയതും വിലക്കയറ്റത്തിനിടയാക്കി.നാടൻ കോഴിയായാലും അന്യ സംസ്ഥാന കോഴികളായും നേട്ടം കൊയ്യുന്നത് ഇടനിലക്കാരാണ്. നാടൻ കോഴിയുടെ വില വർദ്ധന കർഷകന് ഗുണമാകുന്നില്ല.. പകരം ഇടത്തട്ടുകാരാണ് മുഴുവനും കൈക്കലാക്കുന്നത്.

ആശ്വാസമായി മലബാർ മീറ്റ്:

കോഴിയിറച്ചിക്ക്‌ പൊതുമാർക്കറ്റിൽ വില കുതിച്ചുയരുമ്പോഴും അമിതവില ഈടാക്കാതെയുള്ള ബ്രഹ്മഗിരി ഡെവലപ്‌മെന്റ്‌ സൊസൈറ്റിയുടെ ഇറച്ചിയാണ് ഉപഭോക്താക്കൾക്ക് ആശ്വാസമാകുന്നത്. ‌

ചിക്കൻ കറി കട്ട്‌ സ്‌പെഷ്യൽ‌- 170 രൂപ,

ചിക്കൻ ബിരിയാണി കട്ട്‌- 180 രൂപ

ചിക്കൻ ജനത- 60 രൂപ

താറാവ് ഉൽപ്പന്നങ്ങൾ -340 രൂപ

ഔട്ട് ലറ്റുകൾ- 127

ഹമീദ്

മീറ്റ് മർച്ചന്റ്

കോഴി ഇറച്ചിക്ക് ഡിമാൻ്റ് കൂടുന്നുണ്ട്.. മാത്രവുമല്ല, ഇറച്ചിക്ക് ക്ഷാമവുമുണ്ട്.. പിന്നെ എങ്ങിനെ വില കുറയ്ക്കാൻ കഴിയും.. പുറത്ത് നിന്നുള്ള കോഴി വരവും കുറവാണ്. എല്ലാ ദിവസവും ലോഡ് വരുന്നില്ല.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KANNUR, LOCKDOWN
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.