SignIn
Kerala Kaumudi Online
Tuesday, 07 July 2020 4.15 PM IST

ഉത്രയുടെ വിവാഹം മുതൽ മരണം വരെ

uthra

 2018 മാർച്ച് 25- ഉത്രയും സൂരജും തമ്മിലുള്ള വിവാഹം. വിവാഹ സമ്മാനം- 98 പവൻ സ്വർണം, 5 ലക്ഷം രൂപ, മാരുതി ബലനോ കാർ

 2019 ഏപ്രിൽ 16- മകൻ ജനിച്ചു. ഉത്രയുടെ മാതാപിതാക്കളെ സമ്മർദ്ദത്തിലാക്കി സൂരജ് പ്രതിമാസം 8000 രൂപ വീതം വാങ്ങിത്തുടങ്ങി. പല ആവശ്യങ്ങൾ പറഞ്ഞ് പലപ്പോഴായി 15 ലക്ഷത്തോളം രൂപ കൈക്കലാക്കി

 2020 ജനുവരി- പലവിധ പീഡനങ്ങൾ സഹിക്കാനായതോടെ ഉത്രയെ തിരികെ വിളിച്ചുകൊണ്ടുവരാൻ വീട്ടുകാർ തീരുമാനിച്ചു. ഇതോടെ ഇനി ബുദ്ധിമുട്ടുകൾ ഉണ്ടാക്കില്ലെന്ന് സൂരജ് ഉറപ്പുനൽകി

 പ്രതി ഉത്രയെ ഒഴിവാക്കാനുള്ള ശ്രമം തുടങ്ങി. വിവാഹ മോചനം നേടിയാൽ സ്വത്തുക്കൾ തിരികെ നൽകേണ്ടി വരുമെന്നതിനാൽ കൊല്ലാൻ തീരുമാനിച്ചു

 2020 ഫെബ്രുവരി- യു ട്യൂബിൽ തെരഞ്ഞ് പാമ്പിനെ ഉപയോഗിച്ച് കൊലപ്പെടുത്താൻ പദ്ധതി തയ്യാറാക്കി. പാമ്പ് പിടിത്തവുമായി ബന്ധപ്പെട്ട കാര്യങ്ങളും പഠിച്ചു

 ഫെബ്രുവരി അവസാനം- സുരേഷ് സൂരജിന്റെ പറക്കോടുള്ള വീട്ടിലെത്തി അണലിയെ കൈമാറി

 മാർച്ച് 2 രാത്രി - സൂരജിന്റെ വീട്ടിലെ കിടപ്പുമുറിയിൽ ഉറങ്ങിക്കിടന്ന ഉത്രയുടെ കാലിൽ അണലിയെക്കൊണ്ട് കടിപ്പിച്ചു. കടുത്ത വേദന അനുഭവപ്പെട്ടപ്പോൾ ഗുളികകൾ നൽകി. ആശുപത്രിയിൽ കൊണ്ടുപോയില്ല. പുലർച്ചെ മൂന്നോടെ സ്ഥിതി ഗുരുതരമായപ്പോൾ ആശുപത്രിയിലെത്തിച്ചു

 ഉത്ര തിരുവല്ലയിലെ സ്വകാര്യ മെഡി. കോളേജ് ആശുപത്രിയിൽ 16 ദിവസം ഐ.സി.യുവിൽ ഉൾപ്പെടെ 51 ദിവസം കിടന്നു

 ഏപ്രിൽ 22- ഉത്ര അഞ്ചലിലെ കുടുംബ വീട്ടിലെത്തി. ആഴ്ചയിൽ രണ്ടു ദിവസം ആശുപത്രിയിൽ എത്തണമെന്ന് നിർദ്ദേശമുണ്ടായിരുന്നു. ആശുപത്രിയിൽ കൊണ്ടുപോകാൻ സൂരജും എത്തി

 പറക്കോട്ടെ വീട്ടിൽ പാമ്പിനെ കണ്ടുവെന്ന് സൂരജ് ഒരു ദിവസം ഉത്രയോടും അച്ഛനമ്മമാരോടും പറയുന്നു

 മേയ് 6 ന് വൈകിട്ട് - ബാഗിനുള്ളിലെ കുപ്പിയിൽ മൂർഖനുമായി സൂരജ്‌ ഉത്രയുടെ വീട്ടിലെത്തി

 മേയ് 7- ഉത്ര ഉറങ്ങിക്കിടക്കുമ്പോൾ പുലർച്ചെ ഒന്നോടെ ഇടതുകൈത്തണ്ടയിൽ മൂർഖനെ കൊണ്ട് കടിപ്പിച്ചു

 പാമ്പിനെ തിരികെ കുപ്പിയിൽ കയറ്റാൻ ശ്രമിച്ചെങ്കിലും നടന്നില്ല. പാമ്പ് അലമാരയുടെ ഭാഗത്ത് ഒളിച്ചു

 രാവിലെ വൈകി ഉണരുന്ന ശീലമുള്ള സൂരജ് രാവിലെ ആറോടെ വീടിനു പുറത്തിറങ്ങി. 10 മിനിട്ട് കഴിഞ്ഞ് അമ്മ മണിമേഖല വന്ന് വിളിക്കുമ്പോൾ ഉത്ര അബോധാവസ്ഥയിൽ

 നിലവിളി കേട്ട് അച്ഛനും സഹോദരനും മുറിയിലെത്തി. 10 മിനിട്ട് കഴിഞ്ഞ് സൂരജും

 ബോധരഹിതയായി കിടക്കുന്ന ഉത്രയുമായി ബന്ധുക്കൾക്കൊപ്പം സൂരജും അഞ്ചലിലെ ആശുപത്രിയിലേക്ക്

 പാമ്പ് കടിച്ചതാണെന്ന് ഡോക്ടർ അറിയിച്ചപ്പോൾ ഏത് പാമ്പാണെന്ന് കണ്ടെത്താനും മുറിയിൽ തെരയാനും ഉത്രയുടെ സഹോദരനൊപ്പം സൂരജും വീട്ടിലേക്ക്

 കിടപ്പുമുറിയിൽ മൂർഖനെ കണ്ടെത്തി തല്ലിക്കൊല്ലുന്നു. അപ്പോഴേക്കും മരണം സ്ഥിരീകരിച്ച് ആശുപത്രിയിൽ നിന്ന് വിളിയെത്തി

 അഞ്ചലിലെ കുടുംബ വീട്ടിൽ സംസ്‌കാരം. മരണാനന്തര ചടങ്ങുകളിൽ ഉടനീളം സൂരജ് പങ്കെടുത്തു

മരണദിവസംതന്നെ കേസ്

 മേയ് 7 ന് തന്നെ അസ്വാഭാവിക മരണത്തിന് അഞ്ചൽ പൊലീസ് കേസ് രജിസ്റ്റർ ചെയ്തു

 മേയ് 18- സമഗ്ര അന്വേഷണം ആവശ്യപ്പെട്ട് റൂറൽ ജില്ലാ പൊലീസ് മേധാവിക്ക് ഉത്രയുടെ അച്ഛന്റെ പരാതി

 അന്വേഷണച്ചുമതല റൂറൽ ക്രൈംബ്രാഞ്ച് എ.സി.പി എ.അശോകന്. മാതാപിതാക്കൾ, ബന്ധുക്കൾ എന്നിവരിൽ നിന്ന് മൊഴിയെടുത്തു. സൂരജിന്റെ ഫോൺ രേഖകളും ക്രൈംബ്രാഞ്ച് പരിശോധിച്ചു

 മേയ് 23- കൊല നടത്തിയത് സൂരജാണെന്ന് അന്വേഷണ സംഘം ഉറപ്പിച്ചു

 24- വിശദമായ ചോദ്യം ചെയ്യലിനൊടുവിൽ സൂരജ്, ചാവരുകാവ് സുരേഷ് എന്നിവർ അറസ്റ്റിൽ

 25- പ്രതികളെ രാവിലെ ഉത്രയുടെ അഞ്ചലിലെ വീട്ടിലെത്തിച്ച് തെളിവെടുത്തശേഷം വൈകിട്ട് കോടതിയിൽ ഹാജരാക്കി, 4 ദിവസത്തേക്ക് പൊലീസ് കസ്റ്റഡിയിൽ വാങ്ങി

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: UTHRA
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.