SignIn
Kerala Kaumudi Online
Monday, 10 August 2020 1.23 PM IST

ടിക് ടോക് നിരോധിക്കാൻ അമേരിക്കയും?​

tik

വാഷിംഗ്​ടൺ: ഇന്ത്യയ്ക്ക്​ പിന്നാലെ ചൈനീസ്​ ആപ്പുകൾ നിരോധിക്കാനൊരുങ്ങി അമേരിക്കയും. ടിക്​ടോക്​ ഉൾപ്പെടെ ചൈനീസ്​ ആപ്പുകൾ നിരോധിക്കുന്ന കാര്യം തീർച്ചയായും പരിശോധിക്കുകയാണെന്ന്​ യു.എസ് സ്​റ്റേറ്റ്​​ സെക്രട്ടറി മൈക്​ പോംപിയോ പറഞ്ഞു.

നേരത്തേ അമേരിക്കൻ ഭരണകൂടം ടിക്​ടോക്കിന്റെ പ്രവർത്തനത്തിൽ ആശങ്ക പ്രകടിപ്പിച്ചിരുന്നു. ചെറുപ്പക്കാർ കൂടുതലായി ടിക്​ടോക്കിനെ ഉപയോഗിക്കുന്നുവെന്നതാണ്​ യു.എസിനെ ഭയ​പ്പെടുത്തുന്ന കാര്യം. അമേരിക്കക്കെതിരെയുള്ള ചാര പ്രവർത്തനങ്ങൾക്കുള്ള ചൈനയുടെ പ്രധാന ആയുധം വാവെയ്​ ആണെന്നാണ് അമേരിക്കയുടെ ആരോപണം.

ഹോങ്കോംഗ് വിപണിയിൽനിന്ന് ടിക്ടോക് പുറത്തുപോയേക്കും

ഹോങ്കോംഗ്: ദിവസങ്ങൾക്കുള്ളിൽ ഹോങ്കോംഗ് വിപണിയിൽ നിന്ന് പുറത്തുപോകുമെന്ന സൂചന നൽകി ചൈനീസ് കമ്പനിയായ ടിക് ടോക്. ടിക് ടോക് വക്താവ് ഇത് സംബന്ധിച്ച സൂചനകൾ റോയിട്ടേഴ്‌സിന് നൽകിയതായാണ് റിപ്പോർട്ടുകൾ. ഫേസ്ബുക്ക് ഉൾപ്പടെയുള്ള മറ്റ് സാങ്കേതിക കമ്പനികൾ ഈ മേഖലയിലെ ഉപഭോക്തൃ ഡാറ്റയ്ക്കുള്ള സർക്കാർ അഭ്യർത്ഥനകൾ താത്കാലികമായി നിറുത്തിവച്ചതായി അറിയിച്ചതിന് പിന്നാലെയാണ് ഹോങ്കോംഗിൽ നിന്ന് പുറത്ത് പോകുന്നു എന്ന റിപ്പോർട്ടുകൾ വന്നത്.

അർദ്ധകേന്ദ്ര ഭരണപ്രദേശമായ ഹോങ്കോംഗിൽ ചൈന ദേശീയ സുരക്ഷാ നിയമം നടപ്പാക്കിയതിനെ തുടർന്നാണ് ബൈറ്റ്ഡാൻസിന്റെ ഉടമസ്ഥതയിലുള്ള ഷോർട്ട് ഫോം വീഡിയോ ആപ്ലിക്കേഷനായ ടിക് ടോക് ഈ തീരുമാനത്തിലെത്തിയതെന്നാണ് വിവരം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.