SignIn
Kerala Kaumudi Online
Friday, 27 November 2020 5.48 PM IST

പാമ്പിനെ കാണിച്ച് തന്ന് സൂരജ് മാറി നിന്നു, അന്ന് പാമ്പ് തിരിച്ച് കടിച്ചിരുന്നെങ്കിൽ ഇതെല്ലാം പറയാൻ ഞാനുണ്ടാകുമായിരുന്നില്ല; വെളിപ്പെടുത്തലുമായി ഉത്രയുടെ സഹോദരൻ

uthra-murder-case

കൊല്ലം: കേരള ജനതയുടെ മനസാക്ഷിയെ ഒന്നടങ്കം ഞെട്ടിച്ച വാർത്തയായിരുന്നു കൊല്ലം സ്വദേശി ഉത്രയെ ഭർത്താവ് സൂരജ് പാമ്പിനെക്കൊണ്ട് കടിപ്പിച്ച് കൊലപ്പെടുത്തിയത്. ഇപ്പോഴിതാ ഉത്ര കൊല്ലപ്പെട്ട ദിനം വീട്ടിൽ സംഭവിച്ച ചില കാര്യങ്ങളെക്കുറിച്ച് വെളിപ്പെടുത്തിയിരിക്കുകയാണ് ഉത്രയുടെ സഹോദരൻ വിഷു.

ഉത്രയ്ക്ക് ആദ്യം പാമ്പ് കടിയേറ്റ സമയത്താണ് വിഷു നാട്ടിലെത്തിയത്. രണ്ടാമത് പാമ്പ് കടിയേറ്റെന്ന് ആശുപത്രിയിലെത്തിയപ്പോൾ ഡോക്ടർമാരാണ് പറയുന്നത്. തുടർന്ന് വേഗം വീട്ടിലെത്തി പാമ്പിനെ കണ്ടെത്തിയാൽ അന്റിവെനം നൽകി രക്ഷപ്പെടുത്താനാകുമെന്ന് അമ്മ പറഞ്ഞെന്നും, അതനുസരിച്ച് വീട്ടിൽ പോകുകയുമായിരുന്നെന്നും വിഷു പറയുന്നു.

' സൂരജാണ് ആദ്യം മുറിയിലേക്ക് കയറിയത്. അലമാരയുടെ അടിയിൽ പാമ്പുണ്ടെന്ന് എന്നോട് പറഞ്ഞതും അയാളാണ്. കമ്പെടുത്ത് തട്ടിയിട്ട് പ്രയോജനമില്ലെന്ന് കണ്ട് മണ്ണെണ്ണ ഒഴിച്ചു. പാമ്പ് പുറത്തുവന്ന് എന്റെ നേരെ ചീറ്റി. ആദ്യത്തെ അടി പാളി. ഈ സമയമെല്ലാം സൂരജ് അടുക്കളഭാഗത്ത് പോയി മാറി നിൽക്കുകയായിരുന്നു. ഭാഗ്യത്തിന് രണ്ടാമത്തെ അടി തലയിൽ തന്നെ കൊണ്ടു.പാമ്പ് തിരിച്ചു കടിച്ചിരുന്നെങ്കിൽ ഇതൊന്നും പറയാൻ ഞാനുണ്ടാകുമായിരുന്നില്ല'-വിഷു പറഞ്ഞു. ആശുപത്രിയിൽ വിളിച്ച് പാമ്പ് ഏതാണെന്ന് പറയുമ്പോഴേക്ക് എല്ലാം കഴിഞ്ഞിരുന്നെന്നും യുവാവ് കൂട്ടിച്ചേർത്തു.ഒരു മാദ്ധ്യമത്തിന് നൽകിയ അഭിമുഖത്തിലാണ് വിഷു ഇക്കാര്യം വെളിപ്പെടുത്തിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: UTHRA MURDER CASE, SOORAJ, UTHRA FAMILY, SNAKE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.