SignIn
Kerala Kaumudi Online
Wednesday, 27 January 2021 4.18 AM IST

ആരോഗ്യ പ്രവർത്തകരിൽ കൊവിഡ് ബാധിതർ 267: സുരക്ഷ കൂട്ടും

covid

തിരുവനന്തപുരം: സംസ്ഥാനത്ത് ജൂലായ് 20 വരെ കൊവിഡ് ബാധിതരായത് 267 ആരോഗ്യ പ്രവർത്തകരാണെന്ന് മുഖ്യമന്ത്രി പറഞ്ഞു.ഇതിൽ 62.55 ശതമാനം പേരും ആശുപത്രികളിൽ രോഗികളെ ശുശ്രൂഷിച്ചവരാണ്. 41 ശതമാനം പേർ നേരിട്ടും, 22 ശതമാനം പേർ അല്ലാതെയും. ബാക്കി 23.2 ശതമാനം പേർ ഫീൽഡ് വർക്കിലേർപ്പെട്ടിരുന്നവരാണ്. 63 നഴ്സുമാർക്കും 47 ഡോക്ടർമാർക്കുമാണ് രോഗം പിടിപെട്ടത്.

രാജ്യത്ത് നൂറിൽപ്പരം ഡോക്ടർമാർ കൊവിഡ് ബാധിച്ച് മരിച്ചു. കേരളം ഒരുക്കിയ സുരക്ഷയും സൗകര്യങ്ങളും നൽകിയ പിന്തുണയും നമ്മുടെ ആരോഗ്യ പ്രവർത്തകരെ കാത്തു രക്ഷിച്ചു. രോഗങ്ങൾ കൂടിയ അവസരത്തിൽ ആരോഗ്യ പ്രവർത്തകരുടെ സുരക്ഷ കൂടുതൽ ശക്തമാക്കാനുള്ള നടപടികൾ സ്വീകരിക്കും.
വീഴ്ച വരുത്തുന്ന സ്ഥാപന

ഉടമകൾക്കെതിരെ നടപടി

സാമൂഹിക അകലം പാലിക്കുന്നത് ഉൾപ്പെടെയുള്ള സുരക്ഷാ പ്രോട്ടോക്കോൾ അനുസരിക്കുന്നതിൽ വീഴ്ച വരുത്തുന്ന സ്ഥാപന ഉടമകൾക്കെതിരെ നിയമ നടപടികൾ സ്വീകരിക്കുന്നതിന് എല്ലാ ജില്ലകളിലും അഡീഷണൽ എസ്പിമാരുടെ നേതൃത്വത്തിൽ പ്രോസിക്യൂഷൻ വിഭാഗത്തിന് രൂപം നൽകി. സർക്കാരിന്റെയും പൊലീസിന്റെയും നിയമപരമായ നിർദ്ദേശങ്ങൾ അനുസരിക്കാത്ത സ്ഥാപന ഉടമകൾക്കെതിരെ അറസ്റ്റ് ഉൾപ്പെടെയുള്ള നടപടികൾ സ്വീകരിക്കുമെന്ന് വ്യക്തമാക്കിയിട്ടുണ്ട്. മെഡിക്കൽ ആവശ്യങ്ങൾ, മരണം എന്നിവയുമായി ബന്ധപ്പെട്ട് മാത്രമേ സംസ്ഥാന അതിർത്തി കടന്ന് യാത്ര അനുവദിക്കൂ. ഇങ്ങനെ യാത്ര ചെയ്യുന്നവർ ആവശ്യം വ്യക്തമാക്കി ഇ-ജാഗ്രതാ പോർട്ടലിൽ രജിസ്റ്റർ ചെയ്യേണ്ടതാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: COVID19
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.