SignIn
Kerala Kaumudi Online
Wednesday, 25 November 2020 8.19 AM IST

ചികിത്സയുടെ മറവിൽ മോഷണം നടത്തിയ വ്യാജ വൈദ്യൻ കുടുങ്ങി

1

വെമ്പായം: ഒറ്റയ്‌ക്ക് താമസിക്കുന്ന സ്ത്രീകളുടെ വീടുകളിലെത്തി ചികിത്സയുടെ മറവിൽ മോഷണം നടത്തുന്ന വ്യാജ വൈദ്യനെ വട്ടപ്പാറ പൊലീസ് അറസ്റ്റുചെയ്‌തു. തിരുമല കുന്നപ്പുഴ പുതുവൽ പുരയിടം വീട്ടിൽ അനിൽകുമാറാണ് (48) പിടിയിലായത്. വെമ്പായം പെരുംകൂർ സ്വദേശിയായ യുവതിയുടെ സ്വർണവും മൊബൈൽ ഫോണും മോഷ്ടിച്ചെന്ന പരാതിയിലാണ് അറസ്റ്റ്. ഒരാഴ്ചയ്‌ക്ക് മുമ്പ് പെരുംകൂരിലെത്തിയ അനിൽകുമാർ അവിടെ കട നടത്തുകയായിരുന്ന സ്ത്രീയെ പരിചയപ്പെട്ട ശേഷം അസുഖം മാറ്റിത്തരാമെന്ന് പറഞ്ഞ് വീട്ടിലെത്തി രണ്ടുദിവസം ചികിത്സ നടത്തി. മൂന്നാംദിവസത്തെ ചികിത്സയ്‌ക്കിടെ സ്വർണാഭരണങ്ങൾ അഴിച്ചുവയ്‌ക്കാൻ ഇയാൾ ആവശ്യപ്പെട്ടിരുന്നു. ചികിത്സ കഴിഞ്ഞശേഷം സ്ത്രീയുടെ മൂന്നരപ്പവന്റെ സ്വർണമാല, മൊബൈൽ ഫോൺ, ഡയറി എന്നിവയുമായി അനിൽ മുങ്ങുകയായിരുന്നുവെന്ന് പൊലീസ് പറഞ്ഞു. ഇയാൾ സമാനരീതിയിൽ മോഷണം നടത്തിയിട്ടുള്ളതായി പൊലീസിന് വിവരം ലഭിച്ചിട്ടുണ്ട്. ഫോൺ കേന്ദ്രീകരിച്ച് സൈബർ സെല്ലിന്റെ സഹായത്തോടെ നടത്തിയ അന്വേഷണത്തിലാണ് മെഡിക്കൽ കോളേജ് പരിസരത്ത് നിന്ന് ഇയാളെ കസ്റ്റഡിയിലെടുത്തത്. വട്ടിയൂർക്കാവ് സ്വദേശിയായ സ്ത്രീയെ പരിചയപ്പെട്ട് വിവാഹ വാഗ്ദാനം നൽകിയശേഷം ഇവരെ കാണാനാണ് ഇയാൾ മെഡിക്കൽകോളേജ് ആശുപത്രി പരിസരത്തെത്തിയത്. വട്ടപ്പാറ സി.ഐ ബിനുകുമാർ, എസ്.ഐമാരായ അബ്ദുൾ അസീസ്, സലിൻ, സതീശൻ, സി.പി.ഒമാരായ ഷാജഹാൻ, മനോജ്‌ എന്നിവരാണ് പ്രതിയെ പിടികൂടിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.