SignIn
Kerala Kaumudi Online
Sunday, 24 January 2021 8.40 AM IST

പേരുകൾ മനഃസാക്ഷിയെ ഞെട്ടിക്കുന്നത്, സ്വർണക്കടത്തിൽ വൻ സ്രാവുകൾ

swapna

കൊച്ചി:നയതന്ത്ര സ്വർണക്കടത്തിലും ഡോളർ കടത്തിലും വമ്പൻസ്രാവുകളുടെ സാന്നിദ്ധ്യം പ്രതികളുടെ മൊഴികളിൽ വ്യക്തമാണെന്ന് സാമ്പത്തിക കുറ്റവിചാരണകോടതി നിരീക്ഷിച്ചു. പ്രതികൾ വെളിപ്പെടുത്തിയ വലിയ പേരുകൾ മനഃസാക്ഷിയെ ഞെട്ടിക്കുന്നതാണ്. യു.എ.ഇ കോൺസുലേറ്റിലെ ഉദ്യോഗസ്ഥരുമായി പ്രതികളുണ്ടാക്കിയ അടുത്തബന്ധമാണ് ഇത്രയും കാലം പിടിക്കപ്പെടാതെ കള്ളക്കടത്തു നടത്താൻ വഴിയൊരുക്കിയത്. ഈ ഘട്ടത്തിൽ ഇവരുടെ പേരുകൾ പുറത്തുവരുന്നത് അന്വേഷണത്തിന്റെ പുരോഗതിയെ പ്രതികൂലമായി ബാധിക്കുമെന്നും കോടതി വ്യക്തമാക്കി.

മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം. ശിവശങ്കറിനെ കസ്‌റ്റംസിന് ചോദ്യം ചെയ്യാൻ ഏഴുദിവസം കൂടി കസ്‌റ്റഡിയിൽ നൽകിയ ഉത്തരവിലാണ് കോ‌ടതിയുടെ പരാമർശം. ഈ മാസം ഏഴിന് രാവിലെ 11ന് ശിവശങ്കറിനെ കോടതിയിൽ ഹാജരാക്കണം.

ശിവശങ്കറിന്റെ കൂട്ടുപ്രതികളായ സ്വപ്ന സുരേഷിനെയും പി.എസ്. സരിത്തിനെയും നവംബർ 27മുതൽ 29വരെ കസ്റ്റഡിയിൽ ചോദ്യം ചെയ്തപ്പോൾ നൽകിയ മൂന്ന് നിർണായക മൊഴികൾ കസ്റ്റംസ് മുദ്രവച്ച കവറിൽ കോടതിയിൽ സമർപ്പിച്ചിരുന്നു. ഇതു പരിശോധിച്ച ശേഷമാണ് വമ്പൻ സ്രാവുകളെപ്പറ്റിയുള്ള കോടതിയുടെ നിരീക്ഷണം. പ്രതികൾ വെളിപ്പെടുത്തിയ വമ്പൻ സ്രാവുകൾക്ക് കുറ്റകൃത്യത്തിലുള്ള യഥാർത്ഥ പങ്കാളിത്തവും അതിനുള്ള ശക്തമായ തെളിവുകളും കണ്ടെത്തേണ്ടതുണ്ട്. .
സ്വപ്നയുടെ മൊഴി രേഖപ്പെടുത്തിയതും അതിന്റെ അടിസ്ഥാനത്തിൽ ശിവശങ്കറുമായുള്ള ഫോൺ സന്ദേശങ്ങളുടെ വിശദാംശങ്ങൾ ശാസ്ത്രീയമായി പരിശോധിച്ചതും തെളിവുകൾ ശേഖരിക്കാൻ സഹായകമായി. പ്രതികൾ മായ്‌ച്ചുകളഞ്ഞ ഫോൺ സന്ദേശങ്ങൾ ശാസ്ത്രീയമായി വീണ്ടെടുത്തതിലൂടെ കള്ളക്കടത്തിനു സഹായിച്ചതിലും പ്രേരിപ്പിച്ചതിലും ശിവശങ്കറിന്റെ പങ്കാളിത്തം പുറത്തുകൊണ്ടുവരാൻ അന്വേഷണ സംഘത്തിനു സാധിച്ചു. സ്വപ്നയുടെ ആദ്യമൊഴികൾ ശിവശങ്കറിനെ ബോധപൂർവം കുറ്റകൃത്യത്തിൽ നിന്ന് ഒഴിവാക്കാനായിരുന്നുവെന്ന് അന്വേഷണ ഉദ്യോഗസ്ഥന് ബോദ്ധ്യപ്പെട്ടതും തെളിവുകളുടെ വീണ്ടെടുപ്പിലൂടെയാണ്. തുടക്കത്തിൽ അങ്ങനെ ചെയ്തതിന്റെ ഉദ്ദേശ്യം ഇപ്പോഴും സ്വപ്നയ്ക്കു മാത്രമേ അറിയാവൂ. ഈ സാഹചര്യത്തിൽ ശിവശങ്കറിനെ പ്രതിചേർക്കാനും വിശദമായി ചോദ്യം ചെയ്ത് ആരോപണങ്ങളിൽ വ്യക്തതവരുത്താനും അന്വേഷണ ഉദ്യോഗസ്ഥന് അവകാശമുണ്ടെന്നും കോടതി വ്യക്തമാക്കി.

കോടതിയുടെ നിരീക്ഷണങ്ങൾ

 കുറ്റകൃത്യത്തിൽ ഉൾപ്പെട്ട വമ്പൻസ്രാവുകളുടെ പേരുകൾ മൊഴികളിലുണ്ട്

 ഉന്നതപദവികളിൽ ഇരിക്കുന്നവർ വിദേശത്തേക്ക്‌ ഡോളർ കടത്തുന്നതിലും ഉൾപ്പെട്ടുവെന്നത് ഞെട്ടിപ്പിക്കുന്നു

 യു.എ.എ കോൺസുലേറ്റിലെ ഉന്നതരുമായി പ്രതികൾക്ക് ശക്തമായ ബന്ധമുണ്ട്

 കള്ളക്കടത്തിന് ശിവശങ്കർ ഒത്താശ ചെയ്തതിന് ഡിജിറ്റൽ തെളിവുകൾ കണ്ടെത്തിയിട്ടുണ്ട്

 ഇത് സംബന്ധിച്ച മൊഴികളുണ്ട്. ശിവശങ്കറെ പ്രതിചേർത്തത് ന്യായമാണ്

 ശിവശങ്കറെ രക്ഷിക്കാൻ ആദ്യഘട്ടത്തിൽ സ്വപ്ന കള്ളമൊഴി നൽകി

സ്വ​പ്ന​യു​ടെ​ ​മൊ​ഴി​ ​ചോ​ർ​ന്ന​തിൽ ന​ട​പ​ടി​ക്ക് ​കോ​ട​തി​ ​നി​ർ​ദ്ദേ​ശം

കൊ​ച്ചി​:​ ​സ്വ​ർ​ണ​ക്ക​ട​ത്തു​ ​കേ​സി​ലെ​ ​പ്ര​തി​ ​സ്വ​പ്‌​ന​ ​സു​രേ​ഷി​ന്റെ​ ​മൊ​ഴി​ ​ചോ​ർ​ന്ന​തി​ൽ​ ​കു​റ്റ​ക്കാ​രാ​യ​ ​ഉ​ദ്യോ​ഗ​സ്ഥ​ർ​ക്കെ​തി​രെ​ ​ന​ട​പ​ടി​യെ​ടു​ക്കാ​ൻ​ ​ക​സ്‌​റ്റം​സ് ​പ്രി​വ​ന്റീ​വ് ​ക​മ്മി​ഷ​ണ​ർ​ക്ക് ​എ​റ​ണാ​കു​ളം​ ​സാ​മ്പ​ത്തി​ക​ ​കു​റ്റ​വി​ചാ​ര​ണ​ക്കോ​ട​തി​ ​നി​ർ​ദ്ദേ​ശം​ ​ന​ൽ​കി.​ ​ഇ​തി​ന്റെ​ ​റി​പ്പോ​ർ​ട്ട് ​മു​ദ്ര​വ​ച്ച​ ​ക​വ​റി​ൽ​ ​വൈ​കാ​തെ​ ​സ​മ​ർ​പ്പി​ക്ക​ണം.​ ​നീ​തി​യു​ക്ത​മാ​യ​ ​അ​ന്വേ​ഷ​ണ​ത്തെ​ ​പ്ര​തി​കൂ​ല​മാ​യി​ ​ബാ​ധി​ക്കു​ന്ന​ ​പ്ര​വ​ണ​ത​ക​ൾ​ ​ഒ​ഴി​വാ​ക്ക​ണം.​ ​മി​ക​ച്ച​ ​അ​ന്വേ​ഷ​ണം​ ​ന​ട​ത്തി​യാ​ലേ​ ​മി​ക​ച്ച​ ​വി​ചാ​ര​ണ​യും​ ​വി​ധി​യും​ ​സാ​ദ്ധ്യ​മാ​വൂ.​ ​സ്വ​ർ​ണ​ക്ക​ട​ത്ത് ​കേ​സി​ലെ​ ​അ​ന്വേ​ഷ​ണം​ ​നി​രീ​ക്ഷി​ക്കേ​ണ്ട​ ​സാ​ഹ​ച​ര്യം​ ​ഇ​താ​ണ്.​ ​അ​ന്വേ​ഷ​ണ​സം​ഘം​ ​കൂ​ടു​ത​ൽ​ ​ജാ​ഗ്ര​ത​ ​പു​ല​ർ​ത്ത​ണ​മെ​ന്നും​ ​കോ​‌​ട​തി​ ​അ​റി​യി​ച്ചു.
മൊ​ഴി​ ​ചോ​ർ​ന്ന​ത് ​ചൂ​ണ്ടി​ക്കാ​ട്ടി​ ​സ്വ​പ്‌​ന​ ​സു​രേ​ഷ് ​ന​ൽ​കി​യ​ ​കോ​ട​തി​ ​അ​ല​ക്ഷ്യ​ ​ഹ​ർ​ജി​ക​ൾ​ ​ത​ള്ളി​യാ​ണ് ​മ​ജി​സ്ട്രേ​ട്ട് ​കോ​ട​തി​ ​സു​പ്ര​ധാ​ന​ ​നി​രീ​ക്ഷ​ണ​ങ്ങ​ൾ​ ​ന​ട​ത്തി​യ​ത്.​ ​ക​സ്‌​റ്റം​സ് ​സം​ഘം​ ​കു​റ്റ​പ​ത്രം​ ​സ​മ​ർ​പ്പി​ക്കു​ന്ന​തു​വ​രെ​ ​മൂ​ന്നു​മാ​സം​ ​കൂ​ടു​മ്പോ​ൾ​ ​അ​ന്വേ​ഷ​ണ​ ​പു​രോ​ഗ​തി​ ​റി​പ്പോ​ർ​ട്ട് ​കോ​ട​തി​യി​ൽ​ ​സ​മ​ർ​പ്പി​ക്ക​ണം.​ ​അ​ന്വേ​ഷ​ണ​ ​ഉ​ദ്യോ​ഗ​സ്ഥ​രെ​യും​ ​മാ​ദ്ധ്യ​മ​ങ്ങ​ളെ​യും​ ​എ​തി​ർ​ക​ക്ഷി​ക​ളാ​ക്കി​യാ​ണ് ​സ്വ​പ്‌​ന​ ​ഹ​ർ​ജി​ ​സ​മ​ർ​പ്പി​ച്ച​ത്.

ശി​വ​ശ​ങ്ക​റി​ന്റെ​ ​ജാ​മ്യാ​പേ​ക്ഷ ഹൈ​ക്കോ​ട​തി​ ​ഇ​ന്ന് ​പ​രി​ഗ​ണി​ക്കും

കൊ​ച്ചി​:​ ​സ്വ​ർ​ണ​ക്ക​ട​ത്തി​ലെ​ ​എ​ൻ​ഫോ​ഴ്സ്‌​മെ​ന്റ് ​ഡ​യ​റ​ക്‌​ട​റേ​റ്റ് ​കേ​സി​ൽ​ ​മു​ഖ്യ​മ​ന്ത്രി​യു​ടെ​ ​മു​ൻ​ ​പ്രി​ൻ​സി​പ്പ​ൽ​ ​സെ​ക്ര​ട്ട​റി​ ​എം.​ ​ശി​വ​ശ​ങ്ക​റി​ന്റെ​ ​ജാ​മ്യാ​പേ​ക്ഷ​ ​ഹൈ​ക്കോ​ട​തി​ ​ഇ​ന്ന് ​പ​രി​ഗ​ണി​ക്കും.​ ​നേ​ര​ത്തെ​ ​പ​രി​ഗ​ണ​ന​യ്ക്ക് ​വ​ന്ന​പ്പോ​ൾ​എ​ൻ​ഫോ​ഴ്‌​സ്‌​മെ​ന്റ് ​ഡ​യ​റ​ക്ട​റേ​റ്റി​നു​വേ​ണ്ടി​ ​അ​ഡി​ഷ​ണ​ൽ​ ​സോ​ളി​സി​റ്റ​ർ​ ​ജ​ന​റ​ൽ​ ​ഹാ​ജ​രാ​കു​ന്ന​തി​നാ​യി​ ​ഹ​ർ​ജി​ ​മാ​റ്റു​ക​യാ​യി​രു​ന്നു.​ ​ശി​വ​ശ​ങ്ക​റി​നു​വേ​ണ്ടി​ ​സു​പ്രീം​കോ​ട​തി​യി​ലെ​ ​മു​തി​ർ​ന്ന​ ​അ​ഭി​ഭാ​ഷ​ക​ൻ​ ​ജ​യ്ദീ​പ് ​ഗു​പ്ത​യെ​ത്തും.
സാ​മ്പ​ത്തി​ക​ ​കു​റ്റ​കൃ​ത്യ​ങ്ങ​ൾ​ ​പ​രി​ഗ​ണി​ക്കു​ന്ന​ ​കോ​ട​തി​ ​ജാ​മ്യ​ഹ​ർ​ജി​ ​ത​ള്ളി​യ​തി​നെ​ ​തു​ട​ർ​ന്നാ​ണ് ​ശി​വ​ശ​ങ്ക​ർ​ ​ഹൈ​ക്കോ​ട​തി​യെ​ ​സ​മീ​പി​ച്ച​ത്.​ ​സ്വ​ർ​ണ​ക്ക​ട​ത്തു​മാ​യോ​ ​ക​ള്ള​പ്പ​ണം​ ​വെ​ളി​പ്പി​ക്കു​ന്ന​തു​മാ​യോ​ ​ത​നി​ക്ക് ​ബ​ന്ധ​മു​ണ്ടെ​ന്ന​തി​ന് ​തെ​ളി​വൊ​ന്നും​ ​അ​ന്വേ​ഷ​ണ​സം​ഘ​ത്തി​ന് ​ല​ഭി​ച്ചി​ട്ടി​ല്ലെ​ന്നാ​ണ് ​ശി​വ​ശ​ങ്ക​റി​ന്റെ​ ​വാ​ദം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: GOLD SMUGGLING CASE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.