SignIn
Kerala Kaumudi Online
Thursday, 15 April 2021 8.16 AM IST

തന്റെ ആശയങ്ങൾ ഡി.എം.കെ മോഷ്ടിച്ചെന്ന് കമൽ

kamal-haasan

ചെന്നൈ: തന്റെ പാർട്ടിയായ മക്കൾ നീതി മയ്യത്തിന്റെ ആശയങ്ങൾ ഡി.​എം.കെ മോഷ്​ടിച്ചെന്ന് തമിഴ്​ സൂപ്പർ താരം കമൽ ഹാസൻ. വീട്ടുജോലിക്ക്​ ശമ്പളം, പ്രതിവർഷം 10 ലക്ഷം ​തൊഴിലവസരങ്ങൾ, ദാരിദ്ര്യരേഖക്ക് താഴെയുള്ളവർ​ക്ക്​ കൈതാങ്ങ്​ തുടങ്ങിയ ആശയങ്ങൾ ഡി.എം.കെ മോഷ്​ടിച്ചെ​ന്നാണ്​ ആരോപണം.

വീട്ടുജോലി ഓഫിസ്​ ജോലിയായി പരിഗണിച്ച്​ മാസം 1,000 രൂപ വീട്ടമ്മമാർക്ക്​ നൽകുമെന്നും ​പ്രതിവർഷം 10 ലക്ഷം തൊഴിൽ സൃഷ്​ടിക്കുമെന്നും കുടുംബത്തിന്റെ വരുമാനം ഉയർത്തുമെന്നുമാണ് ഡി.എം.കെയുടെ വാഗ്ദാനം.അധികാരത്തിലെത്തിയാൽ വീട്ടമ്മമാർക്ക്​ ശമ്പളം നൽകുമെന്ന് കമൽഹാസൻ പറഞ്ഞിരുന്നു. അദ്ദേഹം (സ്റ്റാലിൻ) ഞങ്ങളുടെ ആശയങ്ങൾ പകർത്തി അവരുടേതാക്കി മാറ്റി. വീട്ടമ്മമാർക്ക്​ ശമ്പളം ഉറപ്പാക്കുമെന്ന്​ ഞാൻ നേരത്തെ പറഞ്ഞതാണ്. ഇപ്പോൾ സ്റ്റാലിൻ പറയുന്നു വീട്ടമ്മമാർക്ക്​ 1000 രൂപ വീതം നൽകുമെന്ന്​. ബീജിംഗ് വിളംബരത്തെ അടിസ്ഥാനമാക്കി ഇത്തരമൊരു​ വാഗ്​ദാനം നൽകിയ ആദ്യ രാഷ്​ട്രീയ പാർട്ടി ഞങ്ങ​ളുടേതാണ്​. സംസ്ഥാനത്ത്​ 50 ലക്ഷം തൊഴിലുകൾ അഞ്ചുവർഷത്തിനുള്ളിൽ സൃഷ്​ടിക്കുമെന്ന്​ എം.എൻ.എം വാഗ്​ദാനം ചെയ്​തിരുന്നു. ഒരു വർഷം 10ലക്ഷം തൊഴിലുകൾ സൃഷ്​ടിക്കുമെന്നാണ് ഡി.എം.കെയുടെ വാഗ്ദാനം​. അഞ്ചുവർഷം കൊണ്ട്​ 50 ലക്ഷം തൊഴിലുകൾ സൃഷ്​ടിക്കുമെന്നതിന്​ സമാനമാണിത് - കമൽ പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, KAMAL HAASAN
KERALA KAUMUDI EPAPER
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.