50 വർഷത്തിനിടയിലെ ഏറ്റവും വലിയ നിയമപരിഷ്കാരവുമായി യു.എ.ഇ

 ബലാത്സംഗത്തിന് ജീവപര്യന്തം, വധശിക്ഷ

പുതിയ നിയമപ്രകാരം ബലാത്സംഗത്തിനും അനുവാദത്തോടെയല്ലാത്ത ലൈംഗിക ബന്ധത്തിനും ജീവപര്യന്തം തടവാണ് ശിക്ഷ. എന്നാൽ, ബലാത്സംഗത്തിന് ഇരയായത് 18 വയസ്സിന് താഴെയുള്ളവരോ ഭിന്നശേഷിക്കാരോ ചെറുത്തുനിൽക്കാൻ കഴിവില്ലാത്തവരോ ആണെങ്കിൽ വധശിക്ഷയോ 25 വർഷം വരെ തടവുശിക്ഷയോ ലഭിച്ചേക്കാം. ആളുകളോട് സഭ്യേതരമായി പെരുമാറിയാൽ 10,000 ദിർഹം പിഴയും തടവുമാണ് ശിക്ഷ. കുറ്റകൃത്യത്തിനിടയിൽ ഭീഷണിയോ ശക്തിയോ ഉപയോഗിച്ചിട്ടുണ്ടെങ്കിൽ 20 വർഷം വരെ തടവ് ലഭിച്ചേക്കും.

 വിവാഹേതര ലൈംഗിക ബന്ധത്തിന് വിലക്കില്ല

പുതിയ നിമയ പ്രകാരം 18ന് വയസ്സിന് മുകളിലുള്ളവരുമായി പരസ്പര സമ്മതത്തോടെ വിവാഹേതര ലൈംഗിക ബന്ധത്തിൽ ഏർപ്പെടുന്നത് കുറ്റകരമല്ല. ഭർത്താവോ, ഭാര്യയോ, രക്ഷിതാവോ പരാതിപ്പെടുന്ന പക്ഷം മാത്രമേ ഇത് കുറ്റമാവൂ. ഇത്തരം സന്ദർഭങ്ങളിൽ ആറു മാസത്തിൽ കുറയാത്ത തടവ് ശിക്ഷ ലഭിക്കാം. ശിക്ഷ വേണ്ടെന്നു വയ്ക്കാൻ ഭാര്യയ്ക്കും ഭർത്താവിനും രക്ഷിതാക്കൾക്കും അധികാരമുണ്ട്.

ഓൺലൈൻ കുറ്റകൃത്യങ്ങൾക്ക് അതിശക്തമായ ശിക്ഷയാണ് പുതിയ നിയമം അനുശാസിക്കുന്നത്.

 21വയസ്സിന് താഴെയുള്ളവർക്ക് മദ്യം നൽകരുത്

21 വയസ്സിന് താഴെയുള്ളവർക്ക് മദ്യം നൽകുന്നതും, മദ്യം ഉപയോഗിക്കാൻ പ്രേരിപ്പിക്കുന്നതും ശിക്ഷാർഹമായ കുറ്റമാണ്. കൂടാതെ, രാജ്യത്തിന് പുറത്തുവച്ചാണെങ്കിലും യു.എ.ഇ പൗരനെ വധിക്കുന്നവർക്കും യു.എ.ഇയുടെ ഫെഡറൽ നിയമം ബാധകമാണ്.