ബി.സി.വി.റ്റി: ആദ്യ നാലു റാങ്കുകൾ കോട്ടയം മെഡിക്കൽ കോളേജിന്

കോട്ടയം. കേരള ആരോഗ്യ സർവകലാശാലയുടെ അവസാനവർഷ ബാച്ചലർ ഇൻകാർഡിയോ വാസ്‌കുലർ ടെക്‌നോളജി (ബി.സി.വി.റ്റി ) പരീക്ഷയിൽ ആദ്യത്തെ നാല് റാങ്കുകളും കോട്ടയം മെഡിക്കൽ കോളേജ് ഹൃദ്രോഗ വിഭാഗത്തിലെ വിദ്യാർത്ഥിനികൾ കരസ്ഥമാക്കി. ഒന്നാംറാങ്ക് കോഴിക്കോട് വടകര തീർത്ഥം വീട്ടിൽ ചന്ദ്രൻ മണ്ടോട്ടി -ശ്രീജ ദമ്പതികളുടെ മകൾ അരുണിമ ചന്ദ്രനും, രണ്ടാം റാങ്ക് ഇടുക്കി കട്ടപ്പന മുണ്ടയ്ക്കൽ ജോസഫ്- സിന്ധു ദമ്പതികളുടെ മകൾ ക്രിസ്റ്റീന ജോസഫും കരസ്ഥമാക്കി. മൂന്നാം റാങ്ക് പെരിന്തൽമണ്ണ കരിങ്കല്ലത്താനി വാളലിൽ കട്ടേക്കാട്ട് വീട്ടിൽ ഷംസുദീൻ- റംല ദമ്പതികളുടെ മകൾ വി.കെ റോഷ്‌നയും, നാലാം റാങ്ക് മലപ്പുറം വളാഞ്ചേരി പുഴക്കൽ മുഹമ്മദ് അലി - ഫാത്തിമ ദമ്പതികളുടെ മകൾ ഹിബ തസ്‌നിയും നേടി. തുടർച്ചയായി മൂന്നാം തവണയും കോട്ടയം മെഡിക്കൽ കോളേജിലെ കാർഡിയോളജി വിഭാഗത്തിലെ ബി.സി.വി.റ്റി.വിദ്യാർത്ഥികൾക്കാണ് റാങ്ക് ലഭിക്കുന്നത്. കോട്ടയം മെഡിക്കൽ കോളേജിന്റെ വലിയ നേട്ടമാണിതെന്ന് കാർഡിയോളജി വിഭാഗം മേധാവി ഡോ.വി.എൽ.ജയപ്രകാശ് പറഞ്ഞു.