ഇന്നൊവേഷൻ വീക്കിൽ 10,000 പേർ

കൊച്ചി: കേരള സ്റ്റാർട്ടപ്പ് മിഷൻ സംഘടിപ്പിച്ച ഡിസൈൻ മേക്കർ ടെക്‌നോളജി മേളയായ കേരള ഇന്നൊവേഷൻ വാരാഘോഷം സമാപിച്ചു. സാങ്കേതികവിദ്യ, പുതിയ ആശയങ്ങൾ, ഡിസൈൻ മേഖലകളിൽ യുവതലമുറയ്ക്ക് പുതിയ ദിശാബോധം നൽകിയ വാരാഘോഷത്തിൽ പതിനായിരത്തിലേറെപ്പേർ പങ്കെടുത്തു.

കളമശേരി ടെക്‌നോളജി ഇന്നൊവേഷൻ സോണിൽ നടന്ന ആഘോഷത്തിൽ മേക്കത്തോൺ, സൗജന്യ റോബോട്ടിക് പരിശീലനകളരി, ക്രിയേറ്റേഴ്‌സ് സമ്മിറ്റ്, ഡിസൈൻ3ഡി മേക്കർ ഉത്പന്നങ്ങൾ, ഫാബ് ലാബ് സന്ദർശനം തുടങ്ങിയവ ഒരുക്കി. സ്ത്രീകളെ സാങ്കേതിക തൊഴിൽ മേഖലയിലേക്ക് ആകർഷിക്കാൻ പാനൽ ചർച്ച, വനിതാ സംരംഭകർക്കായി നിക്ഷേപകരെ തേടി ഇൻവസ്റ്റർ കഫെ എന്നിവയും സംഘടിപ്പിച്ചു.