SignIn
Kerala Kaumudi Online
Monday, 16 September 2019 6.14 AM IST

'വായിൽ മൂത്രമൊഴിച്ചു,ക്രൂരമായി മർദ്ദിച്ചു': ഉത്തർ പ്രദേശിൽ മാദ്ധ്യമപ്രവർത്തകന് നേരെ പൊലീസുകാരുടെ അതിക്രമം

journalist-attacked

ഷംലി: പടിഞ്ഞാറൻ ഉത്തർപ്രദേശിൽ മാദ്ധ്യമപ്രവർത്തകനെ ക്രൂരമായി ആക്രമിച്ച് പൊലീസ്. ദേശീയ ചാനലായ ന്യൂസ് 24ലെ സ്ട്രിങ്ങാറായ അമിത് ശർമയെയാണ് ഉത്തർ പ്രദേശ് റെയിൽവേ പൊലീസ് മർദിച്ച് അവശനാക്കിയത്. ഇന്നലെയാണ് ഷംലിയിലെ ഒരു ട്രെയിൻ പാളം തെറ്റിയതിനെ കുറിച്ച് റിപ്പോർട്ട് ചെയ്യാനെത്തിയ അമിത്തിനെ പൊലീസുകാർ ആക്രമിക്കുന്നത്. മർദ്ദിച്ച ശേഷം മാദ്ധ്യമപ്രവർത്തകനെ ഏറെ നേരം ലോക്കപ്പിലടയ്ക്കുകയും ചെയ്തു. അമിത്തിന്റെ വായിൽ ഇവർ മൂത്രമൊഴിച്ചുവെന്നും പരാതിയുണ്ട്.


'സാധാരണ വേഷം ധരിച്ചാണ് അവർ എത്തിയത്. ഇവരിൽ ഒരാൾ കൈയിലുള്ള ക്യാമറ തള്ളി താഴെയിട്ടു. ക്യാമറ എടുക്കാൻ കുനിഞ്ഞപ്പോൾ അവർ എന്നെ അടിച്ച് താഴെയിടുകയും ചെയ്തു. ഇതിന് ശേഷം ഇവർ എന്നെ വിവസ്ത്രനാക്കിയ ശേഷം ലോക്കപ്പിൽ അടച്ചു. എന്റെ വായിൽ മൂത്രമൊഴിക്കുകയും ചെയ്തു.' അമിത് പറയുന്നു. പൊലീസുകാർ അമിത്തിനെ മർദിച്ച ശേഷം കൈയിലുണ്ടായിരുന്ന ഫോൺ പിടിച്ചു വാങ്ങിക്കുകയും ചെയ്തിട്ടുണ്ട്. ഇതിന്റെ വീഡിയോ ദൃശ്യങ്ങൾ പുറത്ത് വന്നു.

സംഭവം അറിഞ്ഞ് നിരവധി മാധ്യപ്രവർത്തകർ സംഭവസ്ഥലത്തേക്ക് ഇരച്ചെത്തി. ഇവരാണ് അമിത്തിനെ മർദ്ദിക്കുന്നതിന്റെ ദൃശ്യങ്ങൾ സോഷ്യൽ മീഡിയയിൽ പോസ്റ്റ് ചെയ്തത്. പൊലീസുകാരുടെ അതിക്രമത്തെ കുറിച്ച് ഇവർ ഉയർന്ന ഉദ്യോഗസ്ഥരെ വിവരമറിയിച്ചു. മാദ്ധ്യമപ്രവർത്തകർ പൊലീസ് സ്റ്റേഷന് മുൻപിൽ പ്രക്ഷോഭം ആരംഭിച്ചതിനെ തുടർന്ന് ഇന്ന് രാവിലെയാണ് അമിത്തിനെ പൊലീസുകാർ പുറത്ത് വിട്ടത്. സംഭവത്തിൽ കുറ്റക്കാരായ സ്റ്റേഷൻ എസ്.എച്ച്. ഒയെയും കോൺസ്റ്റബിളിനെയും സസ്‌പെൻഡ് ചെയ്തിട്ടുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.