കൊല്ലം: കേരള സർക്കാർ ആയുഷ് ഹോമിയോപ്പതി വകുപ്പ് ഭാഷാ സെമിനാറുകൾ, പ്രഭാഷണങ്ങൾ, സംസ്ഥാനതല ഭാഷാ മത്സരങ്ങൾ എന്നിവ സംഘടിപ്പിച്ച് ഭരണഭാഷാവാരം ആഘോഷിച്ചു. സമാപന സമ്മേളനം മലയാള ഭാഷാ പണ്ഡിതൻ ഡോ.എഴുമറ്റൂർ രാജരാജവർമ്മ ഉദ്ഘാടനം ചെയ്തു.
മികച്ച ഭരണഭാഷാപ്രവർത്തനങ്ങൾക്ക് നേതൃത്വം നൽകിയ കൊല്ലം ജില്ലാ മെഡിക്കൽ ഓഫീസർ ഡോ.സി.എസ്.പ്രദീപിനെ ഭരണഭാഷാസേവന പുരസ്കാരം നൽകി ആദരിച്ചു. അന്താരാഷ്ട്ര തലത്തിൽ ശ്രദ്ധേയനായ ചലച്ചിത്രകാരൻ ഡോ. ബിജുവിനെയും (ജില്ലാ മെഡിക്കൽ ഓഫീസർ, പത്തനംതിട്ട) വകുപ്പിലെ വിവിധ ജീവനക്കാരുടെ സർഗാത്മക കൂട്ടായ്മയായ ടീം ഗുൽമോഹറിനെയും പുരസ്കാരങ്ങൾ നൽകി ആദരിച്ചു. സംസ്ഥാന തല ഭാഷാ മത്സര വിജയികൾക്ക് സമ്മാനങ്ങളും വിതരണം ചെയ്തു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |