പരിശോധന നടത്തി

ചിറ്റൂർ: ചിറ്റൂർ-തത്തമംഗലം നഗരസഭ പരിധിയിലെ വിവിധ ഹോട്ടലുകളിലും സ്ഥാപനങ്ങളിലും നഗരസഭ ഹെൽത്ത് സ്‌ക്വാഡ് നടത്തിയ പരിശോധനയിൽ പഴകിയ ഭക്ഷണ സാധനങ്ങളും നിരോധിത പ്ലാസ്റ്റിക് ഉല്പന്നങ്ങളും പിടികൂടി. ബന്ധപ്പെട്ട സ്ഥാപനങ്ങൾക്ക് പിഴ ഈടാക്കി ന്യൂനത നോട്ടീസ് നൽകി. ക്ലീൻ സിറ്റി മാനേജർ ടി.എ.തങ്കത്തിന്റെ നേതൃത്വത്തിൽ നടന്ന പരിശോധനയിൽ പി.എച്ച്.ഐമാരായ എ.അഞ്ജന, വി.വിനയ്, സി.പി.മുഹമ്മദ് ബൂസരി, എ.അനിത, എസ്.സജുസി എന്നിവർ പങ്കെടുത്തു. വേനൽ കടുത്തതോടെ സാംക്രമികരോഗങ്ങൾ വരാനുള്ള സാധ്യതകൾ കണക്കിലെടുത്ത് വരും ദിവസങ്ങളിലും പരിശോധനകൾ ഉണ്ടാകുമെന്ന് നഗരസഭ സെക്രട്ടറി എം.എസ്.ശ്രീരാഗ് അറിയിച്ചു.