ന്യൂഡൽഹി: ഹോളി ആഘോഷത്തിനിടയിൽ വിദേശ വനിതയെ മർദിച്ചതായി പരാതി. ജപ്പാൻ സ്വദേശിനിയെയാണ് ഒരു സംഘം പുരുഷന്മാർ മർദിച്ചത്. ഡൽഹിയിൽ ബുധനാഴ്ച ഹോളി ആഘോഷത്തിനിടെയായിരുന്നു സംഭവം. പൊലീസ് അന്വേഷണം ആരംഭിച്ചു.
സംഭവത്തിന്റെ വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്. 'ഹാപ്പി ഹോളി' എന്ന് പറഞ്ഞുകൊണ്ട് പ്രതികൾ കടന്നുപിടിക്കുകയും യുവതിയുടെ മേൽ വിവിധ നിറങ്ങൾ വാരിയെറിയുന്നതുമാണ് വീഡിയോയിലുള്ളത്.
ഇതിനിടയിൽ പ്രതികളിലൊരാൾ വിദേശ വനിതയുടെ തലയിൽ മുട്ട പൊട്ടിച്ചൊഴിക്കുന്നതും കാണാം. ഇവരിൽ നിന്ന് ആ സ്ത്രീ രക്ഷപ്പെടാൻ ശ്രമിക്കുന്നതും, 'ബൈ ബൈ' എന്നു പറയുന്നതും വീഡിയോയിലുണ്ട്. തന്നെ തടയാൻ ശ്രമിച്ച ഒരാളെ യുവതി തല്ലുകയും ചെയ്യുന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |