SignIn
Kerala Kaumudi Online
Friday, 23 August 2019 3.34 PM IST

350ന് പെട്രോൾ അടിച്ചാൽ 50 രൂപ 'അടിച്ചു'മാറ്റും: ഞെട്ടിപ്പിക്കുന്ന തട്ടിപ്പ് ഇങ്ങനെ

petrol

കൊച്ചി: പെട്രോൾ വില കാരണം നടുവൊടിയുന്ന അവസ്ഥയിലാണ് വാഹന ഉടമകൾ. അതിനിടയിലാണ് തട്ടിപ്പുമായി എറണാകുളത്തെ ഒരു പെട്രോൾ പമ്പ് ജീവനക്കാരൻ എത്തിയിരിക്കുന്നത്. എറണാകുളം കോതമംഗലത്തുള്ള ഒരു പെട്രോൾ പമ്പിലാണ് ഈ തട്ടിപ്പ് നടന്നത്. പെട്രോൾ അടിയ്ക്കാനായി എത്തിയ ആൾ 350 രൂപയ്ക്ക് വണ്ടിയിൽ പെട്രോളടിക്കാൻ ആവശ്യപ്പെട്ടു. ജീവനക്കാരൻ 300 രൂപയുടെ പെട്രോൾ അടിച്ച ശേഷം ബാക്കി പണത്തിനുള്ള പെട്രോൾ വെട്ടിച്ചു. എന്നാൽ ഇയാൾ അപ്പോൾ തന്നെ കൈയോടെ പിടിക്കപ്പെട്ടു.

വാഹനയുടമ ഇയാളുടെ കള്ളി വെളിച്ചത്ത് കൊണ്ടുവരുന്നതിന്റെ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്. താൻ ചെയ്തത് തെറ്റാണെന്ന് അറിയാമെന്ന് പറഞ്ഞുകൊണ്ട് ഇയാൾ മാപ്പ് ചോദിക്കുന്നതാണ് വീഡിയോയിൽ കാണുന്നത്. പെട്രോൾ അടയ്ക്കാനായി വരുന്ന എല്ലാ വാഹന ഉടമകളോടും ഇത്തരത്തിലുള്ള തട്ടിപ്പ് നടത്താറുണ്ടെന്നും ഇയാൾ സമ്മതിക്കുന്നു. വീഡിയോ വൈറലായതോടെ പെട്രോൾ പമ്പിനെതിരെ വൻ പ്രതിഷേധമാണ് ഉയരുന്നത്.

പെട്രോൾ ഇന്ധന ടാങ്കിൽ വീഴാതെ ഇരിക്കുമ്പോഴും പമ്പിലെ മീറ്റർ ഓടിക്കുന്നതായി കാണിച്ചാണ് ഈ തട്ടിപ്പ് നടത്തുന്നത്. അനേകം ഉപഭോക്താക്കൾ ഇതിനോടകം തന്നെ ഈ കെണിയിൽ വീണുകഴിഞ്ഞു. ഓരോ വാഹന ഉടമയിൽ നിന്നുമായി വൻതോതിൽ ഇവർ ഇങ്ങനെ 'അടിച്ചു'മാറ്റിയിട്ടുണ്ടെന്നാണ് വിവരം. പമ്പ് ജീവനക്കാരൻ കുറ്റസമ്മതം നടത്തുന്ന വീഡിയോ ചുവടെ.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: PETROL PUMP, PETROL PRICE, ERNAKULAM, PETROL SCAM, KERALA
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.