27ാമത് അഖില കേരള ശങ്കേഴ്‌സ് ചിത്രരചന കാർട്ടൂൺ മത്സരം 28ന് 

കോട്ടയം: ദർശന സാംസ്‌കാരിക കേന്ദ്രവും ന്യൂഡൽഹി ചിൽഡ്രൻസ് ബുക്ക് ട്രസ്റ്റും സംയുക്തമായി സംഘടിപ്പിക്കുന്ന 27ാമത് അഖില കേരള ശങ്കേഴ്‌സ് ചിത്രരചന, കാർട്ടൂൺ മത്സരങ്ങൾ കോട്ടയം ദർശന സാംസ്‌കാരിക കേന്ദ്രത്തിൽ 28ന് നടക്കും. ഏഴു വിഭാഗങ്ങളിലായിട്ടാണ് മത്സരം. രാവിലെ 10ന് നേഴ്‌സറി ക്ലാസ് മുതൽ 4ാം ക്ലാസ് വരെയുള്ള കുട്ടികളുടെ പെയിന്റിംഗ് മത്സരവും സ്‌പെഷ്യൽ സ്‌കൂൾ വിദ്യാർത്ഥികൾക്കുള്ള പ്രത്യേക കളറിംഗ് മത്സരവും കാർട്ടൂൺ മത്സരവും നടക്കും. ഉച്ചകഴിഞ്ഞ് 2ന് അഞ്ചാം ക്ലാസ് മുതൽ പ്ലസ്ടു വരെയുള്ള കുട്ടികളുടെ പെയിന്റിംഗ് മത്സരവും മുതിർന്നവർക്കുള്ള കാരിക്കേച്ചർ മത്സരങ്ങളും നടക്കും. മുതിർന്നവർക്കായുള്ള കാരിക്കേച്ചർ മത്സരത്തിന് പ്രായപരിധിയില്ല. എല്ലാ വിഭാഗങ്ങളിലും ഒന്നാം സ്ഥാനം ലഭിക്കുന്നവർക്ക് ന്യൂഡൽഹി ബുക്ക് ട്രസ്റ്റ് വക വെള്ളി മെഡലുകളും, ക്യാഷ് അവാർഡുകളും ലഭിക്കും. മികച്ച പെയിന്റിംഗിനും കാർട്ടൂണിനും ശങ്കർസ് അവാർഡും (വെള്ളി മെഡൽ) ദർശന സാംസ്‌കാരിക കേന്ദ്രവും ഡി.സി ബുക്ക്‌സും നൽകുന്ന ട്രോഫികളും ഓരോ ഗ്രൂപ്പിലും 25 പ്രോത്സാഹന സമ്മാനങ്ങളും നൽകും. കൂടുതൽ വിവരങ്ങൾക്ക് ഫോൺ: 9447008255, 9188520400.