SignIn
Kerala Kaumudi Online
Friday, 28 February 2020 9.23 AM IST

മാഹിയിൽ ലഫ്. ഗവർണർക്ക് കരിങ്കൊടി, ഗോബാക്ക് വിളി

kiran-bedi-

മാഹി: മഹാത്മാഗാന്ധി ഗവ.ആർട്‌സ് കോളേജിൽ വിദ്യാർത്ഥികളുമായി മുഖാമുഖത്തിനെത്തിയ പുതുച്ചേരി ലഫ്. ഗവർണർ ഡോ. കിരൺ ബേദിക്ക് നേരേ കാമ്പസിനകത്ത് വിദ്യാർത്ഥികളുടെ കരിങ്കൊടിയും ഗോബാക്ക് വിളിയും. ഇന്നലെ ഉച്ചയ്ക്ക് 12.15നാണ് സംഭവം.പൗരത്വ നിയമ ഭേദഗതിയെ എതിർത്ത് വിദ്യാർത്ഥികളുടെ പ്രതിഷേധമുണ്ടാകുമെന്ന് രഹസ്യ വിവരം ലഭിച്ചതിനെത്തുടർന്ന് കനത്ത പൊലീസ് സുരക്ഷ ഏർപ്പെടുത്തിയിരുന്നു. കറുത്ത ഷാളുകളും വസ്ത്രങ്ങളും ഉപയോഗിക്കുന്നത് ഒഴിവാക്കണമെന്നും മൊബൈൽ ഫോണും ബാഗുകളും ഹാളിനകത്ത് അനുവദനീയമല്ലെന്നും പൊലീസ് അറിയിച്ചിരുന്നു. കരിങ്കൊടികളുമായെത്തിയ മൂന്ന് വിദ്യാർത്ഥികളെ പൊലീസ് കസ്റ്റഡിയിലെടുത്തു. ഗവർണർ കാറിൽ നിന്നിറങ്ങിയ ഉടൻ ചില വിദ്യാർത്ഥികൾ ചാടി വീണ് കരിങ്കൊടി ഉയർത്തി ഗോബാക്ക്, ആസാദി മുദ്രാവാക്യം വിളിച്ചു. സമരക്കാരെ പൊലീസ് ബലം പ്രയോഗിച്ച് മറ്റൊരു ബ്ലോക്കിലേക്ക് മാറ്റി. ഒരു എസ്.എഫ്.ഐ പ്രവർത്തകനെ സ്റ്റേഷനിലേക്ക് കൊണ്ടുപോയി. പൗരത്വ നിയമ ഭേദഗതിക്കെതിരായ കറുത്ത ബാഡ്ജുകൾ വിദ്യാർത്ഥികളിൽ നിന്ന് പിടിച്ചെടുത്തു. വിദ്യാർത്ഥികളെ മർദ്ദിച്ചെന്നാരോപിച്ചും അറസ്റ്റു ചെയ്തവരെ വിട്ടയയ്‌ക്കണമെന്ന് ആവശ്യപ്പെട്ടും എസ്.എഫ്.ഐ പ്രവർത്തകർ കോളേജ് കവാടത്തിൽ കുത്തിയിരുന്നു.
കോളേജിൽ കനത്ത പൊലീസ് സന്നാഹമുണ്ടായിരുന്നു. കേരളത്തിൽ നിന്ന് സേനയും ബോംബ് സ്‌ക്വാഡും എത്തിയിരുന്നു.ഗവർണറുടെ പരിപാടി യു.ഡി.എഫ്. ബഹിഷ്‌കരിച്ചിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KIRAN BEDI
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.