SignIn
Kerala Kaumudi Online
Monday, 10 August 2020 10.51 AM IST

കേരളകൗമുദി വാ‌ർത്ത തുണയായി, ഡൽഹിയിൽ കൊവിഡ് ബാധിച്ച മലയാളി നഴ്സുമാർക്ക് സഹായം

covid-

ന്യൂഡൽഹി: ഡൽഹി സ്റ്റേറ്റ് കാൻസർ ഇൻസ്റ്റിറ്ര്യൂട്ടിൽ കൊവിഡ് സ്ഥിരീകരിച്ച ശേഷവും ചികിത്സയും ഭക്ഷണവും താമസവും നിഷേധിക്കപ്പെട്ട അവിടത്തെ മലയാളി സ്റ്റാഫ് നഴ്‌സുമാരുടെ ദുരിതത്തിന് ഒടുവിൽ ആശ്വാസം. പൂർണ ഗർഭിണിയടക്കം ഒൻപത് നഴ്‌സുമാർക്കും കൃത്യമായ ചികിത്സവും ഭക്ഷണവും ലഭിച്ചു തുടങ്ങി. നഴ്‌സുമാരുടെ കുട്ടികളടങ്ങിയ കുടുംബത്തിന് കൊവിഡ് 19 പരിശോധനയും നടത്തും.

കൊവിഡ് ബാധിച്ച് ഡൽഹിയിൽ 9 മലയാളി നഴ്‌സുമാർ തീരാ ദുരിതത്തിലായത് കേരളകൗമുദി ഇന്നലെ പ്രധാന വാർത്തയാക്കിയിരുന്നു. അടിയന്തര ഇടപെടൽ ആവശ്യപ്പെട്ട് മുഖ്യമന്ത്രി പിണറായി വിജയൻ ഡൽഹി മുഖ്യമന്ത്രി അരവിന്ദ് കേജ്‌രിവാളിന് കത്തെഴുതുകയും ചെയ്തു.

മുൻ മുഖ്യമന്ത്രി ഉമ്മൻചാണ്ടി ഇന്നലെ ഡൽഹി ഉപമുഖ്യമന്ത്രി മനീഷ് സിസോദിയയെ ഫോണിൽ ബന്ധപ്പെട്ടു. അൽഫോൺ കണ്ണന്താനം, കേരള സർക്കാരിന്റെ ഡൽഹിയിലെ പ്രത്യേക പ്രതിനിധി എ.സമ്പത്ത് തുടങ്ങിയവരും വിഷയത്തിൽ ഇടപെട്ടു.

നഴ്‌സുമാരെ ഐസൊലേറ്റ് ചെയ്യാനും അവർക്ക് ശരിയായ ചികിത്സയും ഭക്ഷണവും നൽകാനും നടപടിയായെന്ന് യുണൈറ്റഡ് നഴ്‌സസ് അസോസിയേഷൻ ഡൽഹി പ്രസിഡന്റ് റിൻസ് ജോസഫ് പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, COVID 19
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.