SignIn
Kerala Kaumudi Online
Wednesday, 21 October 2020 6.59 AM IST

വെർച്വൽ സംവാദങ്ങളും പത്ത് കോടി കത്തുകളും, മോദി സർക്കാരിന്റെ ഒന്നാംവാർഷികം ആഘോഷിക്കാനൊരുങ്ങി ബി.ജെ.പി,​ ജെ.പി നദ്ദ ചടങ്ങുകൾ ഓൺലൈനായി ഉദ്ഘാടനം ചെയ്യും

modi

ന്യൂഡല്‍ഹി: രാജ്യത്ത് കൊവിഡ് വ്യാപനം തുടരുന്ന പശ്ചാത്തലത്തില്‍ രണ്ടാം മോദി സർക്കാർ ഒന്നാം വാർഷികം വേറിട്ട രീതിയിൽ ആഘോഷിക്കാനൊരുങ്ങുന്നു. മേയ് 30നാണ് മോദി രണ്ടാമതും പ്രധാനമന്ത്രിയായി അധികാരമേറ്റിട്ട് ഒരു വർഷം തികയുന്നത്. രാജ്യത്ത് 10 കോടിയോളം ഭവനങ്ങളില്‍ പ്രധാനമന്ത്രി നരേന്ദ്രമോദിയെഴുതിയ കത്ത് ബൂത്ത് തല പ്രവര്‍ത്തകര്‍ നേരിട്ട് എത്തിക്കും.

ബി.ജെ.പി ദേശീയ അദ്ധ്യക്ഷൻ ജെ.പി നദ്ദ ആയിരിക്കും ചടങ്ങുകൾ ഓൺലൈനായി ഉദ്ഘാടനം ചെയ്യുക. തീവ്രബാധിത മേഖലകൾ ഉള്‍പ്പെടാത്ത പ്രദേശങ്ങളിലായിരിക്കും കത്ത് വിതരണം. തീവ്രബാധിത മേഖലകളിൽ സാമൂഹിക മാദ്ധ്യമങ്ങള്‍, ഇലക്ട്രോണിക് മാദ്ധ്യമങ്ങള്‍ എന്നിവ വഴി കത്ത് എത്തിക്കും. ഒരു വെര്‍ച്വല്‍ റാലി നടത്താനും ബി.ജെ.പി ആലോചിക്കുന്നുണ്ടെന്ന് പാര്‍ട്ടിയിലെ മുതിര്‍ന്ന അംഗം അറിയിച്ചു.

രാജ്യത്തുടനീളം 1000 ഓണ്‍ലൈന്‍ സംവാദങ്ങള്‍ സംഘടിപ്പിക്കും. പ്രധാനമന്ത്രി പ്രഖ്യാപിച്ച ആത്മനിര്‍ഭര്‍ ഭാരത് എന്ന ആശയത്തിലൂന്നിയായിരിക്കും വെര്‍ച്വല്‍ സംവാദങ്ങള്‍. രാജ്യത്ത് കൊവിഡ് വ്യാപനം തടയുന്നതിനായി കേന്ദ്രം സ്വീകരിച്ച പ്രതിരോധ നടപടികള്‍, കൊവിഡ് മഹാമാരിയെ നേരിടാന്‍ സര്‍ക്കാര്‍ പ്രഖ്യാപിച്ച 20 ലക്ഷം കോടിരൂപയുടെ സാമ്പത്തിക പാക്കേജ് എന്നിവയെല്ലാം തങ്ങളുടെ ഭരണനേട്ടമായി ഒന്നാം വാര്‍ഷികാഘോഷ വേളയില്‍ ബി.ജെ.പി ഉയര്‍ത്തിക്കാണിക്കും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NATIONAL NEWS, VIRTUAL RALLIES, CONFERENCES, BJP PLANS, CELEBRATE, FIRST ANNIVERSARY, MODI GOVERNMENT
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.