SignIn
Kerala Kaumudi Online
Friday, 02 October 2020 4.10 AM IST

കറണ്ട് കട്ടാകാതിരിക്കാൻ പവർ ബ്രിഗേഡ് റെഡി

kseb

തിരുവനന്തപുരം: കൊവിഡ് വ്യാപനം രൂക്ഷമാകുന്ന സാഹചര്യത്തിൽ വൈദ്യുതി വിതരണം തടസ രഹിതമായും കാര്യക്ഷമമായും നടത്തുന്നതിനും ജനങ്ങൾക്ക് വിവിധ വൈദ്യുതി സേവനങ്ങൾ ഉറപ്പുവരുത്തുന്നതിനും റിസർവ് ടീമായി പവർ ബ്രിഗേഡുകൾ രൂപീകരിച്ച് പ്രവർത്തിക്കാൻ തീരുമാനിച്ചു.

മന്ത്രി എം.എം.മണി വൈദ്യുതി ബോർഡിലെ ജീവനക്കാരുടെ സംഘടനകളുമായി നടത്തിയ ചർച്ചയിലാണ് ഇതു സംബന്ധിച്ച് തീരുമാനമുണ്ടായത്. ഉത്പാദന പ്രസരണ മേഖലകളിൽ ഇത്തരത്തിൽ റിസർവ് സംവിധാനങ്ങൾ നിലവിൽ വരും.

കൊവിഡ് വ്യാപനം ഉൾപ്പെടെയുള്ള പ്രതിസന്ധി ഘട്ടത്തിൽ നിലവിലുള്ളവർക്ക് ജോലിചെയ്യാൻ കഴിയാത്ത സാഹചര്യം ഉണ്ടായാൽ ഓഫീസ് ചുമലത ഏറ്റെടുക്കുന്നതിനും വൈദ്യുതി വിതരണം സുഗമമായി മുന്നോട്ടുകൊണ്ടുപോകുന്നതിനും ഓരോ ഓഫീസുകളിലും മുൻകാലങ്ങളിൽ ജോലിചെയ്തിരുന്നവർ ഉൾപ്പെടെ വിവിധ തലങ്ങളിലുള്ള ജീവനക്കാരെ ഉൾപ്പെടുത്തിക്കൊണ്ടാണ് പവർ ബ്രിഗേഡുകൾ രൂപീകരിക്കുന്നത്. ജില്ലാ ആസ്ഥാനത്ത് പ്രവർത്തിക്കുന്ന വിതരണ സർക്കിൾ ഡെപ്യൂട്ടി ചീഫ് എൻജിനീയർ ആയിരിക്കും ഓരോ ജില്ലയിലും ഇൻസിഡന്റ് കമാൻഡർ എന്ന നിലയിൽ ഇത്തരം ക്രമീകരണങ്ങളുടെ പൂർണചുമതല നിർവഹിക്കുക. ജില്ലയിലെ ഉത്പാദന, പ്രസരണ, വിതരണ മേഖലകളിലും മറ്റുള്ള ഓഫീസുകളിലുമൊക്കെയുള്ള എല്ലാ വിഭാഗം ജീവനക്കാരേയും ആവശ്യാനുസരണം ബ്രിഗേഡിന്റെ ഭാഗമായി ഉപയോഗിക്കാൻ ഇൻസിഡന്റ് കമാൻഡർമാർക്ക് അധികാരം ഉണ്ടായിരിക്കും. ഇക്കാര്യങ്ങൾ ഏകോപിപ്പിക്കുന്നതിന് അതതു തലങ്ങളിൽ സംവിധാനങ്ങൾ ഉണ്ടാകും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KSEB
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.