SignIn
Kerala Kaumudi Online
Monday, 18 January 2021 11.18 PM IST

കൊവിഡ് ഭീതിയിൽ ആറ്റിൽ ചാടിയ ഹെൽത്ത് ഇൻസ്‌പെക്‌ടറുടെ മൃതദേഹം കണ്ടെത്തി

kundamonkadave

മലയിൻകീഴ്: കൊവിഡ് രോഗ ഭീതിയിൽ കുണ്ടമൺകടവ് ആറ്റിൽ ചാടി മരിച്ച ഹെൽത്ത് ഇൻസ്പെക്ടറുടെ മൃതദേഹം ഇന്നലെ രാവിലെ 9.30 മണിയോടെ മങ്കാട്ടുകടവിന് സമീപത്തുനിന്ന് കണ്ടെത്തി.കുണ്ടമൺകടവ് ശിവകൃപയിൽ കൃഷ്ണകുമാറി (55)ന്റെ മൃതദേഹമാണ് കണ്ടെത്തിയത്.

ജനറൽ ആശുപത്രിക്ക് സമീപമുള്ള ഹെൽത്ത് ഡയറക്ടറേറ്റിലെ ഉദ്യോഗസ്ഥനായ കൃഷ്ണകുമാറിനൊപ്പം ജോലി ചെയ്യുന്നയാളിന്റെ പിതാവിന് കൊവിഡ് സ്ഥിരീകരിച്ചിരുന്നു. അക്കാരണത്താൽ കൃഷ്ണകുമാർ രണ്ട് ദിവസമായി ലീവിലായിരുന്നു. കൊവിഡ് പരിശോധന നടത്തണമെന്ന് ഓഫീസിൽ നിന്ന് നിർദ്ദേശവും നൽകിയിരുന്നു. അസ്വസ്ഥനായിരുന്ന കൃഷ്ണകുമാർ ശനിയാഴ്ച രാത്രിവരെ വീട്ടിലുണ്ടായിരുന്നു.എന്നാൽ പുലർച്ചെ മുതൽ കാണാതായി. തുടർന്ന് നടത്തിയ അന്വേഷണത്തിൽ വീടിന് സമീപമുള്ള നീലച്ചാംകടവിൽ നിന്ന് കൃഷ്ണകുമാറിന്റെ ചെരുപ്പ് കണ്ടെടുത്തു.

'വീട്ടിലുള്ളവർക്കും നാട്ടുകാർക്കും ബുദ്ധിമുട്ട് ഉണ്ടാക്കാൻ ആഗ്രഹിക്കുന്നില്ല,ഞാൻ പോകുന്നു' എന്ന് ആത്മഹത്യാ കുറിപ്പിലുണ്ടായിരുന്നു. ഞായറാഴ്ച രാവിലെ മുതൽ വൈകും വരെ കാട്ടാക്കട,ചെങ്കൽചൂള ഫയർ സ്റ്റേഷനുകളിൽ നിന്നെത്തിയ സ്‌കൂബ ടീം അടക്കമുള്ളവർ ആറ്റിൽ തെരച്ചിൽ നടത്തിയെങ്കിലും ഫലമുണ്ടായില്ല. ഇന്നലെ രാവിലെ വീണ്ടും നടത്തിയ തെരച്ചിലിലാണ് മൃതദേഹം കിട്ടിയത്. 11.30 മണിയോടെ മൃതദേഹം മെഡിക്കൽ കോളേജ് ആശുപത്രി മോർച്ചറിയിലേക്കുമാറ്റി. തിരുവനന്തപുരം ഗവൺമെന്റ് പ്രസിലെ സൂപ്രണ്ട് പ്രിയയാണ് ഭാര്യ. മക്കൾ : ഗോകുൽ,ഗോവിന്ദ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, THIRUVANANTHAPURAM, DEATH
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.