SignIn
Kerala Kaumudi Online
Thursday, 01 October 2020 10.55 PM IST

എം.ജിയിലെ ബിരുദ കോഴ്സുകൾ : രണ്ടിലേറെ അലോട്ട്മെന്റ് തടഞ്ഞു

mg-uni

കൊച്ചി : എം.ജി സർവകലാശാലയ്ക്കു കീഴിലെ അൺ എയ്ഡഡ് കോളേജുകളിലെ ബിരുദ കോഴ്സുകളിലേക്ക് രണ്ടിലേറെ അലോട്ട്മെന്റുകൾ നടത്തുന്നത് ഹൈക്കോടതി താല്‌കാലികമായി തടഞ്ഞു.

അൺ എയ്ഡഡ് കോളേജുകളിലെ 50 ശതമാനം സീറ്റുകളിലേക്ക് കേന്ദ്രീകൃത അലോട്ട്മെന്റിലൂടെ സർവകലാശാല തന്നെ പ്രവേശനം നടത്തുന്നതിനെതിരെ ആൾ കേരള പ്രൈവറ്റ് ആർട്സ് ആൻഡ് സയൻസ് അൺ എയ്ഡഡ് കോളേജ് മാനേജ്മെന്റ് അസോസിയേഷൻ നൽകിയ ഹർജിയിലാണ് സിംഗിൾബെഞ്ചിന്റെ ഉത്തരവ്. ഹർജി തീർപ്പാകും വരെ രണ്ട് അലോട്ട്മെന്റുകളേ അനുവദിക്കാവൂ എന്ന ഹർജിക്കാരുടെ ആവശ്യമാണ് ഹൈക്കോടതി അനുവദിച്ചത്. സർക്കാരിന്റെയും സർവകലാശാലയുടെയും വിശദീകരണം തേടിയ സിംഗിൾബെഞ്ച് ഹർജി പിന്നീടു പരിഗണിക്കാൻ മാറ്റി.

അൺ എയ്ഡഡ് കോളേജുകളിലെ 50 ശതമാനം സീറ്റുകൾ ഏറ്റെടുത്തു പ്രവേശനം നടത്താൻ സർവകലാശാലയ്ക്ക് നിയമപരമായി കഴിയില്ലെന്നാണ് ഹർജിക്കാരുടെ വാദം. കേന്ദ്രീകൃത അലോട്ട്മെന്റിനായി സർവകലാശാല ഏറ്റെടുത്ത 50 ശതമാനം സീറ്റിൽ ഒഴിവുവന്നാലും കോളേജ് മാനേജ്മെന്റിന് പ്രവേശനം നൽകാൻ കഴിയില്ല. പത്തിലേറെ അലോട്ട്മെന്റുകൾ ഒരു വർഷം സർവകലാശാല നടത്തുന്നത് കോളേജിന്റെ നടത്തിപ്പിന് ബുദ്ധിമുട്ടുണ്ടാക്കുന്നു . സെപ്തംബർ നാലിനാണ് ആദ്യ അലോട്ട്മെന്റ് നിശ്ചയിച്ചിട്ടുള്ളത്. ബിരുദ പ്രവേശനത്തിനുള്ള സർവകലാശാലയുടെ പ്രോസ്പെക്ടസിൽ 50 ശതമാനം സീറ്റിൽ കേന്ദ്രീകൃത അലോട്ട്മെന്റാണെന്നു പറയുന്നു.മതിയായ കരാറില്ലാതെ 50 ശതമാനം സീറ്റിൽ നേരിട്ടുപ്രവേശനം നടത്താൻ സർവകലാശാലയെ അനുവദിക്കരുതെന്നും ഹർജിയിൽ ആവശ്യപ്പെടുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: MG UNI
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.